ໃນວັນທີ 25 ຕຸ​ລາ ຜ່ານມາ, ພາກສ່ວນບັງຄັບໃຊ້ກົດໝາຍຂອງລາວ-ຈີນ-ມຽນມາ-ໄທ ເລີ່ມດຳເນີນການລາດຕະເວນບັງຄັບໃຊ້ກົດໝາຍຮ່ວມຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທຄັ້ງທີ 120. ເວລາ 9 ໂມງ, ເຮືອບັງຄັບໃຊ້ກົດໝາຍຂອງຈີນ 2 ລຳທີ່ເຂົ້າຮ່ວມການເຄື່ອນໄຫວດັ່ງກ່າວໄດ້ອອກເດີນທາງຈາກກິ່ງແຂວງສິບສອງພັ່ນນາແຂວງຢູນນານຈີນ,ຮ່ວມກັບເຮືອບັງຄັບໃຊ້ກົດໝາຍຂອງລາວແລະມຽນມາປະກອບເປັນທີມລາດຕະເວນບັງຄັບໃຊ້ກົດໝາຍຮ່ວມຢູ່ເຂດນຳທີ່ກຳນົດໄວ້.

ການເຄື່ອນໄຫວຄັ້ງນີ້ມີເຮືອບັງຄັບໃຊ້ກົດໝາຍ 4 ລຳ, ຄາດວ່າຈະໃຊ້ເວລາ 4 ມື້ 3 ຄືນ, ໄລຍະການເດີນທາງລວມ 600 ກວ່າກິໂລແມັດ. ກ່ອນຈັດການເຄື່ອນໄຫວ, ພາກສ່ວນບັງຄັບໃຊ້ກົດໝາຍຂອງ 4 ປະເທດດັ່ງກ່າວໄດ້ຈັດກອງປະຊຸມຜ່ານທາງວິດີໂອ, ຮ່ວມກັນວິເຄາະຄົ້ນຄວ້າສະພາບການກໍ່ອາດຊະຍາກຳແລະການແພ່ລະບາດຂອງພະຍາດໂຄວິດ-19 ຕາມລຸ່ມແມ່ນ້ຳຂອງໃນໄລຍະມໍ່ໆມານີ້, ທັງເປິກສາຫາລືມາດຕະການໂຈມຕີ.

ໃນໄລຍະຈັດການເຄື່ອນໄຫວຄັ້ງນີ້, ພາກສ່ວນບັງຄັບໃຊ້ກົດໝາຍຂອງ 4 ປະເທດດັ່ງກ່າວຈະດຳເນີນການລາດຕະເວນໂດຍແບ່ງເປັນຕອນແລະການລາດຕະເວນສືບສວນຮ່ວມທາງນ້ຳແລະທາງບົກຢູ່ເຂດນ້ຳສຳຄັນ ເຊັ່ນ: “ເຂດສາມຫຼ່ຽມຄຳ”ເປັນຕົ້ນ, ເພື່ອໂຈມຕີການກໍ່ອາດຊະຍາກຳທີ່ຜິດກົດໝາຍປະເພດຕ່າງໆ.
ທີ່ມາ: CRI-FM93