Homeຂ່າວພາຍ​ໃນຈັບສອງພໍ່ລູກ ພ້ອມຢາບ້າ 101 ເມັດໄປດໍາເນີນຄະດີ

ຈັບສອງພໍ່ລູກ ພ້ອມຢາບ້າ 101 ເມັດໄປດໍາເນີນຄະດີ

Published on

ໃນວັນທີ 16 ກັນຍາ 2022, ເຈົ້າໜ້າທີ່ຕໍາຫຼວດບໍລິການປະຊາຊົນ ກຸ່ມບ້ານສີວິໄລ ສົມທົບກັບການ ຈັດຕັ້ງບ້ານຜາແຕ ເມືອງລອງ ແຂວງຫຼວງນໍ້າທາ ເຄື່ອນໄຫວຕິດຕາມສະພາບພາຍໃນບ້ານ ພົບເຫັນ ເປົ້າໝາຍສົງໄສ ຈຶ່ງ ເຂົ້າທໍາການກວດຄົ້ນຕົວ ທ້າວ ເຈີກອງ ອາຍຸ 60 ປີ ແລະ ທ້າວ ກອງໂຢະ ອາຍຸ 28 ປີ (ພໍ່ລູກ) ພົບເຫັນຂອງກາງຢາບ້າ 101 ເມັດ ຈຶ່ງຈັບພວກກ່ຽວໄປດໍາເນີນຄະດີ.

ຜ່ານການສອບສວນ ພວກກ່ຽວສາລະພາບວ່າ: ຢາບ້າຈໍານວນດັ່ງກ່າວທີ່ເຈົ້າໜ້າທີ່ກວດພົບແມ່ນ ເປັນຂອງພວກກ່ຽວແທ້ ເຊິ່ງໄລຍະຜ່ານມາ ທ້າວ ເຈີກອງ ໄດ້ເຄື່ອນໄຫວເສບຢາບ້າມາແຕ່ ປີ 2017 ແລະ ໄດ້ຊື້ຢາບ້າມາຂາຍໃຫ້ໄວລຸ້ນຢູ່ພາຍໃນບ້ານ ສ່ວນທ້າວ ກອງໂຢະ ເລີ່ມເສບຢາບ້າມາແຕ່ປີ 2019 ແລະ ເສບແຕ່ລະຄັ້ງເເມ່ນໄດ້ຂໍນໍາຜູ້ເປັນພໍ່ເທື່ອລະ 1-2 ເມັດ.

ຜ່ານມາ ພວກກ່ຽວທັງສອງຄົນ ເຄີຍຖືກອົງການຈັດຕັ້ງບ້ານກ່າວຕັກເຕືອນໃຫ້ເຊົາພົວພັນຊື້ ແລະ ຂາຍຢາເສບຕິດ, ແຕ່ພວກກ່ຽວຍັງມີພຶດຕິກຳ ເຄື່ອນໄຫວຊື້ຂາຍຢາບ້າ ຈຶ່ງຖືກຈັບຕົວພ້ອມຂອງກາງຢາບ້າ 101 ເມັດ ໄປດໍາເນີນຄະດີຕາມກົດໝາຍ.

ແຫຼ່ງຂ່າວຈາກ ຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...