ທ່ານ ພັນຄຳ ວິພາວັນ ແລະ ນາຍົກໄທ ຮ່ວມເປັນປະທານໃນພິທີວາງສີລາເລີກຂອງໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ່ 5.
ໃນວັນທີ 28 ຕຸລາ 2022 ພົອ ປະຍຸດ ຈັນໂອຊາ ນາຍົກລັດຖະມົນຕີປະເທດໄທ ມີກຳນົດໃນການເດີນທາງມາຮ່ວມເປັນປະທານກັບທ່ານ ພັນຄຳ ວິພາວັນ ນາຍົກລັດຖະມົນຕີປະເທດ ສປປ ລາວ ໃນພິທີວາງສີລາເລີກຂອງໂຄງການກໍ່ສ້າງຂົວມິດຕະພາບລາວ-ໄທ ແຫ່ງທີ່ 5 ລະຫວ່າງ ບໍລິຄຳໄຊ-ບຶງການ.
ໃນການເດີນທາງຄັ້ງນີ້ ທັງສອງໄດ້ມີໂອກາດປຶກສາຫາລື ເພີ່ມທະວີຄວາມສຳພັນໃນຖານະປະເທດໃກ້ຄຽງຕິດຈອດກັນ ເຊິ່ງລາວ-ໄທ ກໍຕ້ອງການຊຸກຍູ້ຄວາມເຊື່ອມຕໍ່ລະຫວ່າງກັນ ເພື່ອສະໜັບສະໜູນການພັດທະນາຮ່ວມກັນ.
ແຫຼ່ງຂ່າວຈາກ ສຳນັກຂ່າວປະເທດໄທ