spot_img
Homeຂ່າວການຢ້ຽມຢາມປະທານປະເທດ ແຫ່ງ ສປປ ລາວ ເດີນທາງເຖິງ ບຣູໄນ ດາຣູຊາລາມ

ປະທານປະເທດ ແຫ່ງ ສປປ ລາວ ເດີນທາງເຖິງ ບຣູໄນ ດາຣູຊາລາມ

Published on

ໃນຕອນບ່າຍຂອງວັນທີ 24 ຕຸລາ 2022 ຜ່ານມາ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຂອງ ສປປ ລາວ ໄດ້ເດີນທາງເຖິງ ສະໜາມບິນສາກົນບຣູໄນ, ທີ່ນະຄອນຫລວງ ບັນດາ ເສຣິ ເບກາວັນ ບຣູໄນ ດາຣູຊາລາມ ໂດຍການຕ້ອນຮັບຂອງທ່ານ ດາໂຕະ Seri Setia Awang Haji Ahmaddin bin Haji Abdul Rahman, ລັດຖະມົນຕີ ກະຊວງພາຍໃນ.

ໂອກາດນີ້, ທ່ານ ປະທານປະເທດ ທອງລຸນ ສີສຸລິດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ຂອງ ສປປ ລາວ ຈະດໍາເນີນການຢ້ຽມຢາມລັດຖະກິດ ທີ່ ບຣູໄນ ດາຣູຊາລາມ ແຕ່ວັນທີ 24-26 ຕຸລາ 2022, ຕາມການເຊື້ອເຊີນຂອງ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ ໂດຍຈະມີການພົບປະສອງຝ່າຍ ເພື່ອທົບທວນຄືນການພົວພັນຮ່ວມມືຂອງສອງປະເທດ ໃນໄລຍະຜ່ານມາ ແລະ ປຶກສາຫາລື ກ່ຽວກັບ ທິດທາງແຜນການຮ່ວມມືໃນຕໍ່ໜ້າ ເພື່ອເພີ່ມທະວີ ແລະ ຮັດແໜ້ນສາຍພົວພັນມິດຕະພາບອັນເປັນມູນເຊື້ອທີ່ດີງາມ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ບຣູໄນ ດາຣູຊາລາມ ໃຫ້ໄດ້ຮັບການເພີ່ມພູນຄູນສ້າງ ແລະ ແໜ້ນແຟ້ນຍິ່ງໆຂຶ້ນໃນຕໍ່ໜ້າ.
ຂ່າວ: ກົມຂ່າວກະຊວງການຕ່າງປະເທດ

ບົດຄວາມຫຼ້າສຸດ

ເສຍຫາຍ 4 ຕື້ກວ່າກີບ! ສຳນວນເອກະສານໃບຕາດິນກວ່າ 20,000 ຕອນ ເສຍຫາຍຈາກນ້ຳຖ້ວມຢູ່ແຂວງຫຼວງນ້ຳທາ

ໃນໄລຍະວັນທີ 14-15 ມັງກອນ 2025, ທ່ານ ນ. ບຸນຄໍາ ວໍລະຈິດ ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ພ້ອມດ້ວຍທ່ານ ຫົວໜ້າຫ້ອງການ,...

ແຈ້ງເຕືອນໄພ ສະພາບອາກາດຫນາວເຢັນ ແລະ ມີລົມພັດແຮງ ປະຈໍາວັນທີ 17 ມັງກອນ 2025

ມວນອາກາດຫນາວເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສລົມຕາເວັນອອກ ສ່ຽງເຫນືອທີ່ມີກໍາລັງແຮງພັດປົກຄຸມ. ຊຶ່ງຈະເຮັດໃຫ້ ອາກາດຈະສືບຕໍ່ຫນາວເຢັນຢູ່ທົ່ວໄປໃນແຕ່ລະພາກ ແລະ ອາກາດຈະຫນາວເຢັນຫຼາຍ ຢູ່ບັນດາແຂວງພາກເຫນືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີຫມອກຫນາປົກຫຸ້ມຢູ່ທົ່ວໄປ ແລະ...

TikTok ໃນສະຫະລັດກຽມປິດຕົວລົງໃນວັນທີ 19 ມັງກອນ 2025

ສຳນັກຂ່າວຕ່າງປະເທດ ລາຍງານໃນວັນທີ 16 ມັງກອນ 2025 ຜ່ານມານີ້ວ່າ: TikTok ວາງແຜນການປິດປະຕິບັດການຂອງແອບພຣິເຄຊັ່ນ TikTok ໃນສະຫະລັດເຊິ່ງມີຊາວອາເມຣິກາໃຊ້ຫຼາຍກວ່າ 170 ລ້ານຄົນ ໃນວັນອາທິດທີ 19...

ທ່ານປະທານປະເທດລົງຢ້ຽມຢາມ ຖານການຜະລິດຝຸ່ນໂປຕາສ ຂອງ ບໍລິສັດ ຊີໂນ-ອາກຣີ ໂປຕາສ ຢູ່ແຂວງຄໍາມ່ວນ.

ວັນທີ 16 ມັງກອນ 2025 ໃນໂອກາດທີ່ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ພ້ອມດ້ວຍຄະນະ ໄປຢ້ຽມຢາມ ບໍລິສັດ ຊີໂນ-ອາກຣີ ໂປຕາສ...