ອີງຕາມການລາຍງານຂອງສຳນັກຂ່າວ ຮອຍເຕີ ໃນວັນທີ 17 ຕຸລາ 2022 ຜ່ານມານີ້, ເກີດເຫດເຮືອບິນສູ້ຮົົບຂອງຣັດເຊຍລຳໜຶ່ງຕົກໃສ່ອາຄານທີ່ຢູ່ອາໄສໃນເມືອງ ເຍສ (Yesk) ພາກໃຕ້ຂອງປະເທດ ຫຼັງຈາກຂຶ້ນສູ່ທ້ອງຟ້າບໍ່ດົນເຮັດໄຟໄດ້ລຸກໄໝ້ອາພາດເມັ້ນ ແລະ ເຫດການຄັ້ງນີ້ເຮັດໃຫ້ມີຜູ້ເສຍຊີວິດ 6 ຄົນ.
ເຈົ້າໜ້າທີ່ທ້ອງຖິ່ນລະບຸວ່າ: ນອກຈາກຜູ້ເສຍຊີວິດໃນເບື້ອງຕົ້ນຍັງມີຜູ້ສູນຫາຍອີກ 6 ຄົນແລະ ບາດເຈັບອີກ 19 ຄົນ, ເຈົົ້າໜ້າທີ່ຍັງກ່າວຕື່ມອີກວ່າ: ມີປະຊາກອນປະມານ 250 ຄົນໄດ້ຮັບການອົບພະຍົບອອກມາແລ້ວ ໃນນັ້ນເປັນເດັກນ້ອຍຈຳນວນ 40 ຄົນ.
ທັງນີ້ເມືອງ ເຍສ (Yesk) ຖືກຂັ້ນລະຫວ່າງດິນແດນທາງພາກໃຕ້ຂອງຢູເຄຣນ ທີ່ຢູ່ພາຍໃຕ້ການຍຶດຄອງຂອງຣັດເຊຍດ້ວຍຊ່ອງແຄບຂອງທະເລອາຊອຟ.
ແຫຼ່ງຂ່າວ: ຮອຍເຕີ