Homeຂ່າວທ້ອງຖິ່ນເມືອງນານ ແຂວງຫຼວງພະບາງ ໄດ້ຮັບຮັບທຶນສວນຄົວ

ເມືອງນານ ແຂວງຫຼວງພະບາງ ໄດ້ຮັບຮັບທຶນສວນຄົວ

Published on

ພິທີມອບ-ຮັບທຶນສວນຄົວ ໃຫ້ແກ່ປະຊາຊົນ 60 ຄອບຄົວ ໃນ 6 ບ້ານເປົ້າໝາຍຂອງໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍ ທີ່ເມືອງນານ ໄດ້ຈັດຂຶ້ນໃນອາທິດຜ່ານມານີ້, ມີ ທ່ານ ສີວອນ ວົງຄໍາຈັນ ຫົວໜ້າພະແນກ ກະສິກໍາ ແລະ ປ່າໄມ້ ແຂວງ, ທ່ານ ແສງເພັດ ເພັດດວງຈັນ ຮອງເຈົ້າເມືອງ-ເມືອງນານ, ພ້ອມດ້ວຍຄະນະຮັບຜິດຊອບປະສານງານໂຄງການຂັ້ນແຂວງ, ຂັ້ນເມືອງ, ວິຊາການ ແລະແຂກຮັບເຊີນເຂົ້າຮ່ວມ.

ພິທີຄະນະຮັບຜິດຊອບ ໄດ້ລາຍງານຫຍໍ້ກ່ຽວກັບການຈັດຕັ້ງປະຕິບັດວຽກງານຂອງໂຄງການແຕ່ລະໄລຍະ ເຫັນວ່າຫຼາຍໜ້າວຽກແມ່ນປະສົບຜົນສໍາເລັດຕາມຈຸດປະສົງ ແລະຄາດໝາຍທີ່ວາງໄວ້, ຈາກນັ້ນ ໄດ້ມີການມອບທຶນສວນຄົວ ໃຫ້ປະຊາຊົນ 60 ຄອບຄົວ ໃນ 6 ບ້ານເປົ້າໝາຍ ປະຈຳປີ 2022 ລວມທັງໝົດ 60,000 000 ກີບ, ຕາງໜ້າຮັບໂດຍ ທ່ານ ແສງເພັດ ເພັດດວງຈັນ ແລະກ່າວມອບໂດຍ ທ່ານ ສີວອນ ວົງຄໍາຈັນ ພ້ອມນີ້ ທີມງານຊ່ຽວຊານຂັ້ນສູນກາງ ໄດ້ນໍາເອົາເສື້ອ ແລະໝວກປ້ອງກັນການກະທົບ ຈໍານວນໜຶ່ງມອບໃຫ້ປະຊາຊົນຕື່ມອີກ.

ຕອນທ້າຍ ທ່ານຮອງເຈົ້າເຈົ້າເມືອງ-ເມືອງນານ ແລະ ຫົວໜ້າພະແນກກະສິກໍາ ແລະ ປ່າໄມ້ ແຂວງຫຼວງພະບາງ ໄດ້ຮຽກຮ້ອງໃຫ້ຄະນະຮັບຜິດຊອບ ພ້ອມດ້ວຍຂະແໜງການທີ່ກ່ຽວຂ້ອງ ພ້ອມກັນເອົາໃຈໃສ່ຕິດຕາມ ຊຸກຍູ້ ສົ່ງເສີມບັນດາຄອບຄົວເປົ້າໝາຍທີ່ໄດ້ຮັບທຶນ ນຳໃຊ້ທືນໃຫ້ເກີດດອກອອກຜົນ ສ້າງໃຫ້ຄອບຄົວມີລາຍຮັບ ເພື່ອຫຼຸດພົ້ນອອກຈາກຄວາມທຸກຍາກເທື່ອລະກ້າວ ທັງບັນລຸຕາມຈຸດປະສົງ ແລະຄາດໝາຍທີ່ວາງໄວ້. ໂອກາດນີ້ ຜູ້ເຂົ້າຮ່ວມໄດ້ລົງສໍາຫຼວດໂຄງການກໍ່ສ້າງສ້ອມແປງຊົນລະປະທານນໍ້າແສງ ໂດຍການສະໜັບສະໜູນທຶນ ຂອງໂຄງການພັດທະນາພື້ນຖານໂຄງລ່າງຊົນນະບົດ ແລະການຄຸ້ມຄອງອ່າງໂຕ່ງແບບຍືນຍົງ ໃນການລົງສໍາຫຼວດເພື່ອກວດກາເບິ່ງ ບັນດາໜ້າວຽກ ແລະຄວາມຖືກຕ້ອງຕາມມາດຕະຖານ-ເຕັກນິກ ທາງດ້ານວິຊາການ ເພື່ອຮັບປະກັນເຮັດໃຫ້ບັນດາຊາວນາ ໄດ້ຊົມໃຊ້ນໍ້າຢ່າງທົ່ວເຖິງ ແລະມີຄວາມຍືນຍົງ.

ພາບ-ຂ່າວໂດຍ: ຂ່າວສານຫຼວງພະບາງ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...