spot_img
Homeຂ່າວອຸບັດຕິເຫດສາເຫດເຮືອຫຼົ້ມ! ທີ່ແຂວງຈຳປາສັກ

ສາເຫດເຮືອຫຼົ້ມ! ທີ່ແຂວງຈຳປາສັກ

Published on

ອີງຕາມການລາຍງານຈາກ ປະຊາຊົນໃຫ້ຮູ້ວ່າ: ໃນວັນທີ 10 ຕຸລາ 2022 ເກີດອຸບັດຕິເຫດ ເຮືອຊ່ວງ ກັບຈາກການແຂ່ງຂັນ ໄປຕໍາແກ້ງ ເຮືອຫັກເຄິ່ງ ຄົນສູນຫາຍ 1 ຄົນ ເພດຊາຍ, ຈຸດເກີດເຫດແມ່ນ, ເຊໂດນ ເຂດ ແຊລະບໍາ ເມືອງຊະນະສົມບູນ ແຂວງຈໍາປາສັກ, ເຊິ່ງຕອນນີ້ແມ່ນໄດ້ພົບສົບແລ້ວ.

ຈາກເຫດການອຸບັດຕິເຫດເຮືອ 12 ສີພາຍຫລົ້ມ ຫລັງຈາກກັບຈາກການເຂົ້າຮ່ວມແຂ່ງຂັນຊ່ວງເຮືອທີ່ ບ້ານແຊລະບໍາ, ເມືອງຊະນະສົມບູນ, ແຂວງຈໍາປາສັກ ໃນວັນທີ 9 ຕຸລາ 2022 ເຮັດໃຫ້ມີຜູ້ເສຍຊີວິດ 1 ຄົນ.

ທ່ານ ສອນສະຫວັນ ສີວິໄລ, ເຈົ້າເມືອງຊະນະສົມບູນ ໄດ້ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 11 ຕຸລານີ້ ວ່າ: ເຮືອດັ່ງກ່າວ ແມ່ນ 1 ໃນຈໍານວນ 21 ລໍາ ທີ່ເຂົ້າຮ່ວມແຂ່ງ ຂັນຊ່ວງເຮືອປະຈໍາປີທີ່ຈັດຂຶ້ນຢູ່ ບ້ານແຊລະບໍາ, ເຊີ່ງພາຍຫລັງສໍາເລັດການແຂ່ງຂັນເຮືອແຕ່ລະລໍາໄດ້ກັບບ້ານໃນຕອນແລງຂອງວັນດຽວກັນ, ໃນນັ້ນ ສະເພາະລໍາທີ່ເກີດເຫດແມ່ນເຮືອຂອງ ບ້ານແຊລະບໍາ ທີ່ມີທັງໝົດ 8 ຄົນພາຍເຮືອກັບບ້ານ ເມື່ອໄປຮອດຈຸດເກີດເຫດເຊີ່ງເປັນແກ້ງຢູ່ນໍ້າເຊໂດນ, ເຮືອລໍາດັ່ງກ່າວບໍ່ໄປຕາມແກ້ງນ້ອຍທີ່ມີນໍ້າໄຫລບໍ່ແຮງຕາມທີ່ເຄີຍໄປ, ແຕ່ເລືອກໄປທາງແກ້ງໃຫຍ່ທີ່ມີນໍ້າໄຫລແຮງ ຈິ່ງເຮັດໃຫ້ກະແສນໍ້າພັດເອົາໂຕເຮືອໄປຕໍາໃສ່ໂງ່ນຫີນໃຫຍ່ຈົນເຮືອແຕກຫັກແລ້ວຫລົ້ມລົງນໍ້າ ເຮັດໃຫ້ມີຜູ້ສູນຫາຍ 1 ຄົນ. ເຈົ້າໜ້າທີ່ກ່ຽວຂ້ອງ ແລະ ໜ່ວຍກູ້ໄພຂອງແຂວງໄດ້ພ້ອມກັນຄົ້ນຫາຈົນມາຮອດວັນທີ 10 ຕຸລາ ຈິ່ງພົບສົບຜູ້ເສຍຊີວິດ ເຊີ່ງເປັນປະຊາຊົນ ບ້ານແຊລະບໍາ ຊື່ ທ້າວ ອາກອນ, ອາຍຸ 38 ປີ. ຈາກນັ້ນ ອົງການປົກຄອງບ້ານ ແລະ ຍາດພີ່ນ້ອງຜູ້ເສຍຊີວິດໄດ້ຈັດພິທີຊາປະນາກິດສົບໃນວັນທີ 11 ຕຸລານີ້, ສ່ວນອົງປົກຄອງເມືອງໄດ້ມີນະໂຍບາຍຕໍ່ຄອບຄົວຜູ້ກ່ຽວຕາມຄວາມເໝາະສົມ ແລະ ເງື່ອນໄຂຕົວຈິງ.

ທ່ານໃຫ້ຮູ້ຕື່ມວ່າ: ຖອດຖອນບົດຮຽນຈາກເຫດການທີ່ເກີດຂຶ້ນຄັ້ງນີ້, ອົງການປົກຄອງເມືອງຈະແຈ້ງເຕືອນ ແລະ ແນະນໍາໃຫ້ບັນດາບ້ານທີ່ຈະຈັດການແຂ່ງຂັນຊ່ວງເຮືອ ກໍຄື ຈັດງານຕ່າງໆ ໃນຕໍ່ໜ້າ ຕ້ອງມີມາດຕະການ ຫລື ການແນະນໍາປະຊາຊົນມີສະຕິປ້ອງກັນປະກົດການຫຍໍ້ທໍ້ໃຫ້ສູງກວ່າເກົ່າ ເພື່ອປ້ອງກັນຄວາມສູນເສຍທັງຊີວິດ ແລະ ຊັບສິນຂອງປະຊາຊົນທີ່ອາດຈະເກີດຂຶ້ນ.

CR: Lao Youth Radio

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...