Homeຂ່າວພາຍ​ໃນປກສ ເມືອງປາກງື່ມ ຈັບຕົວເປົ້າໝາຍຄ້າຂາຍຢາເສບຕິດປະເພດຢາບ້າພ້ອມຂອງກາງ 23 ພັນກວ່າເມັດ

ປກສ ເມືອງປາກງື່ມ ຈັບຕົວເປົ້າໝາຍຄ້າຂາຍຢາເສບຕິດປະເພດຢາບ້າພ້ອມຂອງກາງ 23 ພັນກວ່າເມັດ

Published on

ວັນທີ 09 ກັນຍາ 2022, ເຈົ້າໜ້າທີ່ ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງປາກງື່ມ ໄດ້ຮັບແຈ້ງຂໍ້ມູນຈາກພົນລະເມືອງວ່າ: ມີການຂົນສົ່ງ ແລະ ຄ້າ-ຂາຍຢາເສບຕິດ (ຢາບ້າ) ຢູ່ເຂດບ້ານຫົວນາ ເມືອງປາກງື່ມ, ຈາກນັ້ນ ເຈົ້າໜ້າທີ່ ຈຶ່ງໄດ້ລົງກວດກາຕິດຕາມ ສາມາດກັກຕົວເປົ້າໝາຍ ຄ້າຂາຍຢາເສບຕິດ (ຢາບ້າ) ໄດ້ 1 ຄົນ ພ້ອມຂອງກາງ ຢາເສບຕິດ (ຢາບ້າ) ຈໍານວນ 23.505 ເມັດ ມາດໍາເນີນຄະດີ.

ພັທ ບຸນປານ ດາລາວົງ ຫົວໜ້າ ພະແນກຕຳຫຼວດ ປກສ ເມືອງປາກງື່ມ ໃຫ້ຮູ້ວ່າ: ເປົ້າໝາຍ ຄ້າຂາຍຢາເສບຕິດ (ຢາບ້າ) ຊື່ ທ້າວ ແຮ່ວ ອາຍຸ 37 ປີ ກຳມະກອນ ຢູ່ບ້ານ ຜາງແຫ້ງ ເມືອງນາຊາຍທອງ ນະຄອນຫຼວງວຽງຈັນ ໄດ້ໃຫ້ການຮັບສາລະພາບວ່າ: ຢາບ້າ ຈໍານວນດັ່ງກ່າວ ແມ່ນຂອງຕົນແທ້ ໄດ້ເລີ່ມຄ້າຂາຍມາແຕ່ຕົ້ນປີ 2022 ຈົນເຖິງປັດຈຸບັນ ຊື້ນໍາຊາຍຄົນໜຶ່ງ ຢູ່ບ້ານ ສີເກີດ ເມືອງນາຊາຍທອງ ນວ ຊື້ຄັ້ງລະ 12.000 ເມັດ ຫຼາຍຄັ້ງ, ເຊິ່ງຄັ້ງຫຼ້າສຸດແມ່ນ ຊື້ຈຳນວນ 18 ມັດ ມີ 36.000 ເມັດ, ພໍໄດ້ຢາບ້າມາແລ້ວ ກໍເອົາໄປຂາຍ ໃຫ້ກັບໄວລຸ້ນທົ່ວໄປ ຢູ່ບ້ານໃກ້ຄຽງ, ຕົກມາຮອດເວລາ 13:20 ໂມງ ຂອງວັນທີ 09 ກັນຍາ 2022 ຕົນເອງກຳລັງຂັບຂີ່ລົດຈັກ ຈະໄປສົ່ງຢາບ້າໃຫ້ຜູ້ຮ່ວມຂະບວນການ ຢູ່ເຂດບ້ານຫົວນາ ເມືອງ ປາກງື່ມ ຈຶ່ງຖືກເຈົ້າໜ້າທີ່ ເຂົ້າກັກຕົວ ພ້ອມຂອງກາງຢາເສບຕິດ (ຢາບ້າ) ຈາໍນວນ 23.505 ເມັດ.

ປັດຈຸບັນ ກອງບັນຊາການ ປກສ ເມືອງປາກງື່ມ ກຳລັງເລັ່ງສອບສວນ ຂະຫຍາຍຜົນຫາກຸ່ມແກ້ງຜູ້ຮ່ວມຂະບວນການ ມາດໍາເນີນຄະດີ ຕາມຂັ້ນຕອນຂອງກົດໝາຍ.

ແຫຼ່ງຂ່າວຈາກ ປ້ອງກັນຄວາມສະຫງົບນະຄອນຫຼວງວຽງຈັນ

ບົດຄວາມຫຼ້າສຸດ

ສົ່ງຕົວແກ້ງຄໍເຊັນເຕີກັບຈີນ ກົມຕໍາຫຼວດຄຸ້ມຄອງຄົນຕ່າງປະເທດ ສົ່ງຕົວແກ້ງຄໍເຊັນເຕີ ຈໍານວນ 485 ຄົນ ໃຫ້ທາງການຈີນ ນຳໄປດຳເນີນຄະດີ ຫຼັງຈາກຖືກຈັບກຸມຢູ່ ສປປ ລາວ

ໃນວັນທີ 13 ພຶດສະພາ 2026 ຢູ່ດ່ານສາກົນບໍ່ເຕັນ ແຂວງຫຼວງນໍ້າທາ, ກົມຕໍາຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງ ປກສ ຮ່ວມກັບສູນຮ່ວມມືວຽກງານຕໍາຫຼວດລາວ-ຈີນ ໄດ້ມອບ-ຮັບຕົວພວກຖືກຫາທີ່ເປັນຄົນສັນຊາດຈີນ ຈໍານວນ 485...

ເອກະພາບໃນການປັບປຸງເສັ້ນທາງ ຈຳປາສັກ-ຊຽງແຕງ (ກຳປູເຈຍ) ເຫັນດີ ຈັບມືປັບປຸງເສັ້ນທາງດ່ານສາກົນ ໜອງນົກຂຽນ-ຕໍປຽງກຣຽນ  ຖືເປັນບາດກ້າວສຳຄັນ ແລະ ເສີມສ້າງສາຍພົວພັນມິດຕະພາບ.

ໃນວັນທີ 11 ພຶດສະພາ 2026, ທ່ານ ປອ ອາລຸນໄຊ ສູນນະລາດ, ເລຂາພັກແຂວງ, ປະທານສະພາປະຊາຊົນແຂວງຈຳປາສັກ ໄດ້ລົງພື້ນທີ່ຕິດຕາມ ແລະ ຊີ້ນຳການກະກຽມສ້ອມແປງເສັ້ນທາງແຕ່ ດ່ານສາກົນໜອງນົກຂຽນ...

ຊົມເຊີຍເຈົ້າໜ້າທີ່ຕຳຫຼວດ! ໃນການຕິດຕາມກວດກາ ແລະ ສະກັດກັ້ນບັນດາກຸ່ມອາຊະຍາກຳທາງເຕັກໂນໂລຊີ ຫຼື ແກ້ງສໍ້ໂກງຊັບທາງໂທລະຄົມ ທີ່ລັກລອບເຂົ້າມາເຄື່ອນໄຫວຜິດກົດໝາຍຢູ່ ສປປ ລາວ.

ໃນຍຸກທີ່ເຕັກໂນໂລຊີດິຈິຕອນ ແລະ ອິນເຕີເນັດໄດ້ກາຍເປັນສ່ວນໜຶ່ງທີ່ຂາດບໍ່ໄດ້ໃນຊີວິດປະຈຳວັນ, ໄພຂົ່ມຂູ່ຈາກແກ້ງສໍ້ໂກງຊັບທາງໂທລະຄົມ (Call Center) ຫຼື ອາຊະຍາກຳທາງເຕັກໂນໂລຊີ ໄດ້ຂະຫຍາຍຕົວຢ່າງວ່ອງໄວ ແລະ ກາຍເປັນໜຶ່ງໃນໄພຄຸກຄາມທີ່ຮ້າຍແຮງທີ່ສຸດຕໍ່ຄວາມໝັ້ນຄົງຂອງຊາດ, ເສດຖະກິດ ແລະ ສັງຄົມໃນທົ່ວໂລກ...