ກອງທັບເກົາຫຼີໃຕ້ ແລະ ອາເມຣິກາ ເປີດສາກຍິງລູກສອນໄຟຈຳນວນ 4 ລູກ ໄປຕົກຢູ່ພື້ນບໍລິເວນທະເລຕະເວັນອອກ ພາຍຫຼັງເກົາຫຼີເໜືອຍິງລູກສອນໄຟຂ້າມຍີ່ປຸ່ນ.
ສຳນັກຂ່າວ The Korea Herald ໄດ້ລາຍງານວ່າ: ວັນທີ 5 ຕຸລາ ກອງທັບເກົາຫຼີໃຕ້ ແລະ ສະຫະລັດອາເມຣິກາ ໄດ້ທົດສອບຍິງລູກສອນໄຟຈາກພື້ນສູ່ພື້ນ (surface-to-surface missiles) ຈຳນວນ 4 ລູກ ໄປຕົກຢູ່ເປົ້າໝາຍຈຳລອງບໍລິເວນທະເລຕະເວັນອອກ.
ລາຍງານຂ່າວລະບຸວ່າ ການທົດສອບຍິງລູກສອນໄຟຂອງເກົາຫຼີໃຕ້ ແລະ ສະຫະລັດອາເມຣິກາ ໃນຄັ້ງນີ້ ເປັນການທົດສອບລະບົບລູກສອນໄຟທາງຍຸດທະວິທີຂອງກອງທັບບົກ (Army Tactical Missile Systems) ຈຳນວນຝ່າຍລະ 2 ລູກ ເຊິ່ງເປັນສ່ວນໜຶ່ງຂອງການປະຕິບັດການຊ້ອມຮົບ ເພື່ອທົດສອບຄວາມສາມາດຂອງກອງທັບເກົາຫຼີໃຕ້ ແລະ ສະຫະລັດອາເມຣິກາໃນການຕອບໂຕ້ການຄຸກຄາມ.
ການປະຕິບັດການໃນເທື່ອນີ້ ກໍສ້າງຄວາມຕົກໃຈແກ່ປະຊາຊົນເກົາຫຼີໃຕ້ຈຳນວນຫຼາຍແລ້ວຄິດວ່າການທົດສອບລູກສອນໄຟໃນຄັ້ງນີ້ເປັນການໂຈມຕີຂອງເກົາຫຼີເໜືອ