spot_img
Homeຂ່າວພາຍ​ໃນປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂ່ຳນັບຂອງບັນດາທ່ານເອກອັກຄະລັດຖະທູດ

ປະທານສະພາແຫ່ງຊາດ ຕ້ອນຮັບການເຂົ້າຢ້ຽມຂ່ຳນັບຂອງບັນດາທ່ານເອກອັກຄະລັດຖະທູດ

Published on

ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງບັນດາທ່ານເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ທີ່ກຽມໄປປະຈໍາການຢູ່ບັນດາປະເທດຕ່າງໆ, ໃນວັນທີ 3 ກັນຍານີ້ ທີ່ຫ້ອງຮັບແຂກສະພາແຫ່ງຊາດ.

ບັນດາທ່ານເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ທີ່ກຽມໄປປະຈໍາການຢູ່ບັນດາປະເທດຕ່າງໆ ມີຈໍານວນ 6 ທ່ານ ຕາມລໍາດັບດັ່ງນີ້: 1. ທ່ານ ສົງການ ຫຼວງມຸນນິນທອນເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ສາທາລະນະລັດ ເກົາຫຼີ; 2. ທ່ານ ແກ້ວ ມັກຄະຜົນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ສປປ ເກົາຫຼີ; 3. ທ່ານ ໄມບົວ ໄຊຍະວົງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ເຢຍລະມັນ; 4. ທ່ານ ດວງມະນີ ຍອດສີອຸດົມ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາອັງກິດ; ທ່ານ ບຸນມີ ວັນມະນີ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ສ ອິນເດຍ; ທ່ານ ສອນໄຊ ວັນນະໄຊ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈໍາ ຟີລິບປິນ.

ໃນໂອກາດດັ່ງກ່າວ, ທ່ານ ໄຊສົມພອນ ພົມວິຫານ ໄດ້ສະແດງຄວາມຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ບັນດາທ່ານທູດ ທີ່ຖືກແຕ່ງຕັ້ງໄປປະຕິບັດໜ້າທີ່ການທູດຢູ່ບັນດາປະເທດເພື່ອນມິດ ຊຶ່ງເປັນການປະກອບສ່ວນເສີມສ້າງສາຍພົວພັນມິດຕະພາບ ແລະ ການຮ່ວມມືທີ່ມີມາແລ້ວນັ້ນໃຫ້ນັບມື້ຂະຫຍາຍຕົວ ແລະ ກ້າວເຂົ້າສູ່ລວງເລິກຢ່າງບໍ່ຢຸດຢັ້ງ. ພ້ອມດຽວກັັັນນັ້ນ ທ່ານ ໄຊສົມພອນ ພົມວິຫານ ຍັງໄດ້ເນັ້ນໜັກໃຫ້ບັນດາທ່ານທູດ ຈົ່ງຕັ້ງໃຈປະຕິບັດໜ້າທີ່ວຽກງານການທູດທີ່ໄດ້ມອບໝາຍໃຫ້ໄດ້ຮັບຜົນສໍາເລັດຕາມລະດັບຄາດໝາຍ, ຢຶດໝັ້ນຫຼັກການພົວພັນຕ່າງປະເທດຂອງພັກ ແລະ ລັດ.

ນອກນັ້ນ, ຕ້ອງພະຍາຍາມປົກປ້ອງສິດ, ຜົນປະໂຫຍດອັນຊອບທໍາຂອງພົນລະເມືອງລາວຢູ່ຕ່າງປະເທດ ເປັນຕົ້ນແມ່ນນັກສຶກສາ, ນັກທ່ອງທ່ຽວ; ເສີມຂະຫຍາຍມິດຕະພາບທີ່ດີ ລະຫວ່າງລາວ ກັບບັນດາປະເທດ, ເອົາໃຈໃສ່ດ້ານການເມືອງ, ດ້ານສັງຄົມ, ດ້ານເສດຖະກິດ, ຖືສໍາຄັນການທູດດ້ານການເມືອງ, ການທູດປ້ອງກັນເຫດ ແລະ ການທູດເພື່ອນມິດ. ພ້ອມທັງຕິດຕາມສະພາບການທີ່ພົ້ນເດັ່ນຕ່າງໆ ເປັນຕົ້ນການເຄື່ອນໄຫວວຽກງານສະພາພາຍໃນປະເທດ ທີ່ຕົນພວມປະຕິບັດໜ້າທີ່ວຽກງານຢູ່ ແລະ ເອົາໃຈໃສ່ສະໜັບສະໜູນການຮ່ວມມືລະຫວ່າງ ສະພາແຫ່ງຊາດລາວ-ສະພາຂອງປະເທດ ທີ່ຕົນພວມປະຕິບັດວຽກງານການທູດຢູ່.

ທ່ານປະທານສະພາແຫ່ງຊາດ ຍັງອວຍພອນໃຫ້ບັນດາທ່ານທູດ ຈົ່ງເດີນທາງໄປປະຈຳການຢູ່ຕ່າງປະເທດດ້ວຍຄວາມສະຫວັດດີພາບ ແລະ ປະສົບຜົນສຳເລັດໃນໜ້າທີ່ວຽກງານທຸກປະການ.

ທ່ານ ສົງການ ຫຼວງມູນນິນທອນ ໄດ້ຕາງໜ້າໃຫ້ບັນດາທ່ານທູດ ສະແດງຄວາມຂອບໃຈຕໍ່ທ່ານໄຊສົມພອນ ພົມວິຫານ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ ພ້ອມທັງຢືນຢັນວ່າ ຈະຕັ້ງໜ້າເຄື່ອນໄຫວປະຕິບັດໜ້າທີ່ວຽກງານ ທີ່ຖືກມອບໝາຍໃຫ້ຢ່າງສຸດຄວາມສາມາດ, ເອົາໃຈໃສ່ໃນການປະຕິບັດໜ້າທີ່ຂອງຕົນໃຫ້ປະສົບຜົນສໍາເລັດຕາມລະດັບຄາດໝາຍ ແລະ ຈະນໍາເອົາວຽກງານຂອງສະພາແຫ່ງຊາດ ແລະ ວຽກງານອື່ນໆທີ່ກ່ຽວຂ້ອງ ເພື່ອສືບຕໍ່ປະຕິບັດໃຫ້ເກີດປະໂຫຍດສູງສຸດ ເພື່ອນໍາເອົາຜົນປະໂຫຍດມາສູ່ປະເທດຊາດ.

ຂ່າວ-ພາບ: (ໜັງສືພິມປະຊາຊົນ)

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...