spot_img
Homeຂ່າວຕ່າງປະເທດກາເຟພູເຂົາລາວຊະນະການແຂ່ງຂັນ World Coffee Challenge ທີ່ປະເທດແອັດສະປາຍ

ກາເຟພູເຂົາລາວຊະນະການແຂ່ງຂັນ World Coffee Challenge ທີ່ປະເທດແອັດສະປາຍ

Published on

ກາເຟຍີ່ຫໍ້ໜຶ່ງຂອງລາວຊື່ວ່າ ກາເຟພູເຂົາລາວ “Lao Mountain Coffee” ໄດ້ຊະນະຈາກງານ World Coffee Challenge ທີ່ປະເທດແອັດສະປາຍ.

ການປະສົມປະສານຂອງກາເຟພູເຂົາຈາກລາວ “Peaberry” ປະເພດຂອງເມັດກາເຟທີ່ໄດ້ອັນດັບ 1 ໃນງານລາງວັນ Continental Awards for Asia ໃນງານແຂ່ງຂັນທີ່ຈັດຂຶ້ນທີ່ເມືອງອູເຣນເຊ ປະເທດແອັດສະປາຍ ລະຫວ່າງວັນທີ 29-30 ກັນຍານີ້.

ມີປະມານ 34 ປະເທດ ຫຼື ມີຫຼາຍກວ່າ 6.000 ຄົນ ທີ່ເຂົ້າຮ່ວມການແຂ່ງຂັນ World Coffee Challenge ເຊິ່ງເປັນການແຂ່ງຂັນທີ່ຮວບຮວມເອົາຜູ້ປູກກາເຟຈາກປະເທດຕ່າງໆ ໂດຍມີເປົ້າໝາຍເພື່ອສົ່ງເສີມຄຸນນະພາບຂອງກາເຟທີ່ປູກຈາກແຫຼ່ງກຳເນີດ.

ຜູ້ຜະລິດກາເຟທີ່ດີທີ່ສຸດຈາກອາເມຣິກາໃຕ້ ແລະ ກາງ, ອາຟຣິກາ, ອາຊີ ແລະ ໂອເຊຍອານີ ມາຮວມກັນເພື່ອໃຫ້ຄວາມຮູ້ແກ່ຜູ້ບໍລິໂພກກ່ຽວກັບກາເຟ ແລະ ຊ່ວຍໃຫ້ຜູ້ຜະລິດເຂົ້າໃຈຄວາມຄາດຫວັງ ຫຼື ຄວາມຕ້ອງການຂອງຕະຫຼາດ, ເຮັດໃຫ້ຮູ້ກ່ຽວກັບ ພູມສັນຖານທີ່ເໝາະກັບປູກກາເຟ ແລະ ປົກປ້ອງຜະລິດຕະພັນຂອງພື້ນບ້ານ.

“Lao Mountain Coffee” ເປັນໂຕແທນຂອງລາວໃນງານຄັ້ງນີ້ ໂດຍສົ່ງກາເຟທີ່ດີຈາກເຂດພູພຽງບໍລິເວນໃນປາກຊ່ອງເຂົ້າຮ່ວມການແຂ່ງຂັນ.

“Peaberry” ທີ່ໄດ້ຮັບລາງວັນນັ້ນ ເປັນກາເຟທີ່ປະກົດຢູ່ໃນທຳມະຊາດ ແລະ ມີພຽງແຕ່ 5-10% ຂອງເມັດກາເຟໃນໂລກ ຄວາມຫາຫຍາກຂອງມັນນັ້ນ ຈຶ່ງເຮັດໃຫ້ມັນມີລາຄາແພງ.

ຜູ້ກໍ່ຕັ້ງ Steve Feldschneider ສ້າງ “Lao Mountain Coffee” ໃນປີ 2001 ດ້ວຍເຄື່ອງຄົ່ວກາເຟທີ່ງ່າຍດາຍ ທີ່ຜະລິດຢູ່ໃນທ້ອງຖິ່ນແລ້ວເຮັດຢູ່ເຮືອນຂອງລາວ ເຊິ່ງລາວ​ໄດ້​ເສຍສະຫຼະເວລາ​ຫຼາຍ​ປີ​ທີ່​ຜ່ານ​ມາ ​ໃຫ້​ແກ່​ສິລະ​ປະ​ການຄົ່ວ​ກາ​ເຟ ​ແລະ ສ້າງ​ໜຶ່ງ​ໃນ​ທຸລະ​ກິດ​ກາ​ເຟຊັ້ນ​ນຳ​ຂອງ​ອາຊີ​ຕາເວັນອອກສຽງໃຕ້.

ແຫຼ່ງຂ່າວຈາກ The Laotian Times

ບົດຄວາມຫຼ້າສຸດ

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...

ກະກຽມຄວາມພ້ອມເກືອບ 100% ບຸນນະມັດສະການພະທາດອີງຮັງ ແຂວງສະຫວັນນະເຂດ ທີ່ຈະຈັດຂຶ້ນໃນ 30 ພະຈິກ – 05 ທັນວາ 2025

ບຸນນະມັດສະການ ພະທາດອີງຮັງ ແຂວງສະຫວັນນະເຂດ ຈະຈັດຂຶ້ນໃນວັນທີ 30 ພະຈິກ 2025 ເພື່ອສົ່ງເສີມການທ່ອງທ່ຽວ ປັດຈຸບັນແມ່ນມີຄວາມພ້ອມເກືອບ 100% ແລ້ວ. ສຳລັບການຈັດງານປີນີ້ ຈະສ້າງໃຫ້ມີຫຼາຍກິດຈະກຳ ເພື່ອມີຄວາມມ່ວນຊື່ນ...