ໃນວັນທີ 28 ກັນຍາ 2022 ເຈົ້າໜ້າທີ່ຮັກສາຄວາມສະຫງົບຕາມແມ່ນ້ຳຂອງປະເທດໄທ ພົບສົບສາວປິດສະໜາຖືກຂ້າຍັດກະເປົ໋າ ຄາດວ່າຖືກຂ້າຈາກສະຖານທີ່ອື່ນ ແລ້ວ ລອຍມາຕິດແແຄມຝັ່ງນະຄອນພະນົມ ເຊິ່ງສົບປິດສະໜາດັ່ງກ່າວເປັນເພດຍິງ ຜິວຂາວ ອາຍຸ 40 ປີ ສູງ 160 ຊມ ແລະ ມີສະພາບໃບໜ້າຖືກທຸບດ້ວຍຂອງແຂງ ແລະ ຖືກຍັດໃສ່ກະເປົ່າ ໃນສະພາບໂຕຄົດງໍ ແລະ ບໍ່ມີເຊືອກມັດ.
ນອກຈາກນີ້ ເຈົ້າໜ້າທີ່ຍັງກວດສອບພົບກ້ອນຫິນ ຂະໜາດໃຫຍ່ ຄວາມຍາວປະມານ 30 ຊັງຕີແມັດ ຄວາມກວ້າງ 30 ຊັງຕີແມັດ ຍັດຖ່ວງກະເປົ່າ ຄາດວ່າເພື່ອເຮັດໃຫ້ສົບຈົມນ້ຳ ໃນສົບຜູ້ຕາຍບໍ່ພົບເອກະສານ ແລະ ຮອຍບາດແຜຕາມຮ່າງກາຍໃນສ່ວນອື່ນ.