ໃນວັນທີ 27 ກັນຍາ ຜ່ານມາ, ກອງບັນຊາການທະຫານແຂວງວຽງຈັນ ໄດ້ປະກາດການແຕ່ງຕັ້ງຫົວໜ້າຫ້ອງພະລາທິການທະ ຫານແຂວງວຽງຈັນ ໂດຍການເປັນປະທານຂອງ ສະຫາຍ ພົນ ຈັດຕະວາ ບຸນສູງ ຢາທໍ່ຕູ້ ກຳມະ ການຄະນະພັກກະຊວງປ້ອງກັນ ປະເທດ ຮອງຫົວໜ້າກົມໃຫຍ່ພະ ລາທິການກອງທັບ, ມີ ສະຫາຍ ພົນຈັດຕະວາ ບຸນມາ ວົງດາລາ ແສນ ຫົວໜ້າການທະຫານກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ, ກອງບັນຊາການທະຫານເມືອງ, ກອງພັນນ້ອຍ, ກອງຮ້ອຍເອກະ ລາດ, ໂຮງຮຽນ, ໂຮງໝໍ, ແຂກ ຖືກເຊີນ ເຂົ້າຮ່ວມ.
ສະຫາຍ ພັນໂທ ບົວຄຳ ພົມມາໄຊ ຮອງຫົວໜ້າກົມເສ ນາ-ພະລາກົມໃຫຍ່ພະລາທິການກອງທັບ, ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການແຕ່ງຕັ້ງຫົວໜ້າຫ້ອງພະລາທິການທະຫານແຂວງວຽງຈັນ. ອີງຕາມກົດໝາຍນາຍທະ ຫານກອງທັບປະຊາຊົນລາວ (ສະບັບປັບປຸງ) ໃນພາກທີ II ໝວດທີ 4 ມາດຕາທີ 26 ວ່າດ້ວຍ ການແຕ່ງຕັ້ງ, ຍົກຍ້າຍນາຍທະ ຫານ, ກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນໂທ ທອງໄຊ ພັນສະໄໝ ເປັນຫົວ ໜ້າຫ້ອງພະລາທິການກອງບັນ ຊາການທະຫານແຂວງວຽງຈັນ ປ່ຽນແທນ ສະຫາຍ ພັນເອກ ບຸນຜອງ ບຸດທະວົງ ທີ່ຂຶ້ນເປັນຫົວໜ້າການເມືອງກອງບັນຊາການທະຫານແຂວງວຽງຈັນ, ແຕ່ງຕັ້ງ ສະຫາຍ ພັນໂທ ເກດອຳພອນ ສີບົວລິພາ ເປັນຫົວໜ້າພະແນກພະລາທິການ ກອງບັນ ຊາການທະຫານເມືອງວຽງຄຳ, ສະຫາຍ ພັນໂທ ຄຳເພັດ ຄຳມູນ ເປັນຫົວໜ້າພະແນກພະລາທິການ ກອງບັນຊາການທະຫານເມືອງຫີນເຫີບ, ສະຫາຍ ພັນຕີ ທອງຈັນ ລໍຈົ່ງເຕັງ ເປັນຮອງຫົວໜ້າພະແນກເສນາຮັກ.
ນອກນີ້ ຍັງໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງ ສະຫາຍ ພັນໂທ ນາງ ພອນແກ້ວ ແກ່ນວົງສາ ເປັນຫົວໜ້າການເມືອງໂຮງໝໍ 30 ຕຽງ, ສະຫາຍ ພັນຕີ ລີນີ ພີມມະສອນ ເປັນຮອງຫົວໜ້າການເມືອງໂຮງໝໍ 30 ຕຽງ ແລະ ຜ່ານມະຕິຕົກລົງຂອງຄະນະພັກກອງບັນຊາການທະຫານແຂວງວຽງຈັນ ວ່າດ້ວຍການບົ່ງຕົວແຕ່ງຕັ້ງເລຂາ-ຮອງເລຂາ ແລະ ກຳມະການຄະນະພັກຮາກຖານຫ້ອງພະລາທິການ ໂດຍແຕ່ງຕັ້ງ ສະຫາຍ ພັນໂທ ທອງໄຊ ພັນສະໄໝ ເປັນເລຂາຄະນະພັກຮາກຖານ, ສະຫາຍ ພັນໂທ ແນ ມະນີວົງ ເປັນຮອງເລຂາຄະນະພັກຮາກຖານ, ສະຫາຍ ພັນໂທ ຄຳພູ ວໍລະວົງ ເປັນກຳມະການຄະນະພັກຮາກຖານ.
ແຫຼ່ງຂ່າວ: Lao people Army News