ກຸ່ມກໍ່ການຮ້າຍລັດອິດສະລາມ ຫລື ໄອເອັສ (IS) ໄດ້ປະກາດໃຊ້ເງິນຫລຽນດີນາຣ໌ ສະກຸນເງິນເກົ່າ ໃນເຂດພື້ນທີ່
ທີ່ຕົນຄວບຄຸມ ຫວັງປົດຕົນເອງອອກຈາກລະບົບການເງິນໂລກ.
ສຳນັກຂ່າວຕ່າງປະເທດລາຍງານວ່າ ກຸ່ມກໍ່ການຮ້າຍລັດອິດສະລາມ ຫລື ກຸ່ມໄອເອັສ ໄດ້ປະກາດນຳໃຊ້ສະກຸນເງິນ
ຂອງຕົນເອງ ໃນເຂດພື້ນທີ່ທີ່ຕົນເອງຍຶດຄອງ ເພື່ອປົດປ່ອຍຕົນເອງອອກຈາກລະບົບເສດຖະກິດຂອງໂລກ ໂດຍ
ກຸ່ມໄອເອັສ ໄດ້ຊື່ວ່າເປັນກຸ່ມກໍ່ການຮ້າຍຫົວຮຸນແຮງທີ່ຮັ່ງມີທີ່ສຸດໃນໂລກ ເຊິ່ງໄດ້ປະກາດໃນວັນທີ 13 ພະຈິກຜ່ານ
ມານີ້ວ່າ ກຳລັງກຽມທີ່ຈະນຳເອົາເງິນຫລຽນດີນາຣ໌ ເຊິ່ງເປັນສະກຸນເງິນບູຮານຂອງອິດສະລາມກັບມາໃຊ້ ໂດຍຜູ້ທີ່
ຄວບຄຸມດ້ານການເງິນຂອງລັດ ໄດ້ອອກມາປະກາດດ້ວຍຕົນເອງວ່າ ການປ່ຽນແປງດັ່ງກ່າວ ຈະເກີດຂຶ້ນໃນໄວໆ
ນີ້ ແລະ ຈະມີການຊີ້ແຈງອັດຕາຄ່າເງິນໃນພື້ນທີ່ອື່ນໆອີກດ້ວຍ.
ແຫລ່ງຂ່າວໄດ້ລະບຸວ່າ ເງິນຫລຽນດີນາຣ໌ ແມ່ນເປັນສະກຸນເງິນດັ້ງເດີມທີ່ໃຊ້ກັນໃນສະໄໝຊຸມປີ ຄສ 634 ຢູ່ໃນບັນ
ດາປະເທດອິດສະລາມໃນເມື່ອກ່ອນ.