ນາງ ຟາຮານນ່າ ຟາລິດ (Farhanna Farid) ນັກຍົກນ້ຳໜັກຈາກ​ສິງກະ​ໂປ ​ໄດ້​ສ້າງ​ສະຖິຕິ​ໂລກໃໝ່​ໃນ​ຕົ້ນ​ປີ​ນີ້​ ໃນ​ລຸ້ນນ້ຳ​ໜັກ​ຕ່ຳ​ກວ່າ 52 ກິ​ໂລ ​ໃນ​ວັນ​ທີ 16 ກັນຍາ​ນີ້.

ນັກຍົກນ້ຳໜັກ ຮຸ່ນອາຍຸ 29 ປີ ຍົກນໍ້າໜັກ 201 ກິໂລກຼາມ ໃນການແຂ່ງຂັນຊີງແຊ້ມອາຊີຕາເວັນອອກສຽງໃຕ້ ປີ 2022 ທີ່ເມືອງ Johor Bahru ປະເທດມາເລເຊຍ, ທຳລາຍສະຖິຕິໂລກຄັ້ງກ່ອນ 200,5 ກິໂລກຼາມ.

ສະຖິຕິທີ່ລາວໄດ້ເຮັດໄວ້ຢູ່ທີ່ World Open Classic Powerlifting Championships 2022 ເຊິ່ງຈັດຂຶ້ນຢູ່ ອາຟຣິກາ ເມື່ອວັນທີ 6 ມິຖຸນາ 2022.

ຟາຮານນ່າ ໄດ້ບັນລຸເປົ້າໝາຍໃນການຍົກນ້ຳໜັກ ຄັ້ງທີ 2 ຂອງລາວນີ້ ໂດຍຄັ້ງທຳອິດທີ່ລາວເຮັດໄດ້ແມ່ນຢູ່ທີ່ 192,5 ກິໂລກຼາມ.

ຈາກ​ນັ້ນ​ລາວ​ໄດ້​ສ້າງ​ສະຖິຕິ​ໂລກ​ໃນ​ການ​ພະຍາຍາມ​ຄັ້ງ​ທີ​ສອງ​ຂອງລາວ ​ແລະ​ ຍົກ​ນ້ຳໜັກໄດ້ 201 ກິ​ໂລກຼາມ ​ໄດ້​ຢ່າງ​ສຳ​ເລັດ​ຜົນ.

ນອກນີ້ ຟາຮານນ່າ ກໍໄດ້ພະຍາຍາມທໍາລາຍສະຖິຕິຂອງລາວອີກເທື່ອໜຶ່ງໂດຍການຍົກ 203 ກິ​ໂລກຼາມ ໃນການພະຍາຍາມຄັ້ງທີສາມຂອງລາວ ແຕ່ວ່າບໍ່ສໍາເລັດ.