Homeຂ່າວທ້ອງຖິ່ນຕັ້ງຈຸດເສຍຄ່າ ທຳນຽມທາງ ຢູ່ທີ່ຈຸດທາງເຂົ້າອອກ ບ້ານດອນເຊັງນະຄອນ

ຕັ້ງຈຸດເສຍຄ່າ ທຳນຽມທາງ ຢູ່ທີ່ຈຸດທາງເຂົ້າອອກ ບ້ານດອນເຊັງນະຄອນ

Published on

ເພື່ອເປັນການບຸກລະດົມກະຕຸກຊຸກຍູ້ອຳຍວຍຄວາມສະດວກໃຫ້ແກ່ອົງການຈັດຕັ້ງລັດ,ພະນັກງານ-ລັດຖະກອນ ແລະ ພໍ່ແມ່ປະຊາຊົນບັນດາເຜົ່າຜູ້ທີ່ໃຊ້ລົດໃຊ້ຖະໜົນ ພ້ອມກັນມາເສຍຄ່າທຳນຽມທາງປະຈຳປີ,ໃຫ້ຖືກຕ້ອງຄົບຖ້ວນ ທັງເປັນການຈັດຕັ້ງເຄື່ອນໄຫວເສຍຄ່າທຳນຽມທາງປະຈຳປີ2022.

ດັ່ງນັ້ນ, ໃນວັນທີ 16 ກັນຍາ ທີ່ຜ່ານມາ, ທາງເຈົ້າໜ້າສ່ວຍສາອາກອນປະຈຳນະຄອນ ໄກສອນ ພົມວິຫານ ໄດ້ສົມທົບກັບເຈົ້າໜ້າທີ່ພະແນກຕຳຫຼວດຈາລະຈອນ ນະຄອນ ໄກສອນ ພົມວິຫານ ແລະ ຫ້ອງການ ຍທຂ ນະຄອນ ໄດ້ລົງເຄື່ອນໄຫວກວດກາຕັ້ງຈຸດເສຍຄ່າ ທຳນຽມທາງ ຢູ່ທີ່ຈຸດທາງເຂົ້າອອກເທດສະບານນະຄອນເຂດບ້ານດອນເຊັງ ນະຄອນໄກສອນ ພົມວິຫານ ໂດຍມີທ່ານ ສົມໜາຍ ສົງວິໄລ ຮອງເຈົ້ານະຄອນໄກສອນ ພົມວິຫານ ຜູ້ຊີ້ນຳຂົງເຂດວຽກງານເສດຖະກິດ, ທ່ານ ວົງພະຈັນ ພັນທະວົງ ຫົວໜ້າສ່ວຍສາອາກອນປະຈໍາ ນະຄອນໄກສອນ ພົມວິຫານ, ພ້ອມຄະນະໄດ້ລົງເບິ່ງຕິດຕາມຊຸກຍູ້ເສຍຄ່າທຳນຽມ.

ໃນໂອກາດນີ້, ທ່ານ ສົມໜາຍ ສົງວິໄລ ຮອງ ເຈົ້ານະຄອນ ໄກສອນ ພົມ ວິຫານ ກ່າວວ່າ: ການເປີດ ຂະບວນການໃນຄັ້ງນີ້ ເພື່ອສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດ ລັດຖະບັນຍັດຂອງປະທານປະເທດ ສະບັບເລກທີ 001/ປປທ,ວ່ດ້ວຍຄ່າທຳນຽມທາງ ແລະ ປະຕິບັດຕາມແຈ້ງການຂອງລັດຖະມົນກະຊວງການເງິນ ສະບັບເລກທີ 0951/ກງ, ວ່າດ້ວຍເສຍຄ່າທຳນຽມທາງປະຈໍາປີ 2022, ທັງນີ້ກໍ່ເພື່ອສຸມໃສ່ປະຕິບັດ ຜັນຂະຫຍາຍວາລະແຫ່ງຊາດ ວ່າດ້ວຍແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ກໍ່ຄືແຜນງົບມານແຫ່ງລັດ ປະຈຳປີ 2022,ໃຫ້ບັນລຸຕາມລະດັບຄາດໜາຍ.

ທັງນີ້ກໍ່ສືບຕໍ່ເຮັດໜ້າທີປຸກລະດົມຊຸກຍູ້ໃຫ້ທຸກຄົນໃນສັງຄົມ ພາຍໃນນະຄອນໄກສອນ ພົມວິຫານ ໃຫ້ມີຄວາມຕື່ນຕົວ ແລະຈິງໃຈປະກອບສ່ວນປະຕິບັດພັນທະຂອງຕົນໃນການເສຍຄ່າທຳນຽມທາງ ຢ່າງເປັນຂະບວນການກ້ວາງຂວາງ ແລະຄົບຖ້ວນຖືກຕ້ອງ ໂດຍຜ່ານລະບົບທະນາຄານ ແລະທາງຊ່ອງບໍລິການຕ່າງໆ ຫຼື ຊຳລະນຳໜ່ວຍງານບໍລິການຂອງສ່ວຍສາອາກອນປະຈຳນະຄອນ ເຊິ່ງຈະໄດ້ລົງເຄື່ອນໄຫວນຳບ້ານ ແລະບັນດາກຸ່ມບ້ານພາຍໃນນະຄອນ ແລະການເສຍຄ່າທຳນຽມທາງ ແມ່ນເລີ່ມແຕ່ເດືອນ 01ມັງກອນ ຫາເດືອນມີນາຂອງທຸກໆປີ ແລະ ຖ້າຫາກກາຍກຳນົດແມ່ນຈະໄດ້ຖືກປັບໃໜ.
Cr. ຫ້ອງການ ຖະແຫລ່ງຂ່າວ,ວັດທະນະທຳ ແລະ ທ່ອງທ່ຽວ ນະຄອນ ໄກສອນ ພົມວິຫານ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...