spot_img
Homeຂ່າວພາຍ​ໃນອຸບັດຕິເຫດ​ລົດບັນທຸກນໍ້າກ້ອນປີ້ນທັບລົດຈັກເຮັດໃຫ້ເດັກນ້ອຍເສຍຊີວິດ 2 ຄົນ

ອຸບັດຕິເຫດ​ລົດບັນທຸກນໍ້າກ້ອນປີ້ນທັບລົດຈັກເຮັດໃຫ້ເດັກນ້ອຍເສຍຊີວິດ 2 ຄົນ

Published on

ຕໍ່ກັບອຸບັດຕິເຫດລົດບັນທຸກນໍ້າກ້ອນປີ້ນ​ທັບ​ລົດຈັກ​ ຢູ່​ຖະໜົນເລກ​ 10 ເວລາ​7​:00​ ໂມງ​ວັນທີ​ 8​ ກັນຍາ​ 2022, ເຮັດ​ໃຫ້​ເດັກ​ນ້​ອຍເສຍຊີວິດ​ 2​ ຄົນ​.

ພັທ​ ວິລະພົງ​ ສະເໜ່ຫາ​ ​ຫົວໜ້າພ​ະແນກຕຳຫຼວດ​ຈະລາຈອນ​ ນວ​ ລາຍງານໃຫ້ຮູ້ວ່າ: ພາຍຫຼັງເກີດອຸບັດຕິເຫດເຈົ້າໜ້າທີ່ຕຳຫຼວດຈະລາຈອນ​ ນວ​ ໄດ້ລົງເກັບກຳຂໍ້ມູນສະຖານທີ່ເກີດເຫດ​ ຊາບຊື່ຜູ້​ຂັບຂີ່ລົດບັນທຸກຊື່ ທ້າວຫຳ ອາຍຸ​ 28​ ປີ​ ຂັບລົດຂົນສົ່ງຢູ່ໂຮງງານນ້ຳກ້ອນແຫ່ງໜື່ງ ໃນນະຄອນ​ຫຼວງວຽງຈັນ.​

ຂັບຂີ່ລົດລົດມາແຕ່ 4 ແຍກໄຟອໍານາດໂນນສະອາດ ມີຈຸດປະສົງມຸ່ງໜ້າໄປບ້ານດ່ານຊ້າງ ເ​ມືອງໄຊທານີ, ພໍຂັບຂີ່ລົດມາຮອດເຂດ​ ບ້ານໂນນສະອາດ​ ບ່ອນເທີນລ້ຽວລົດໄດ້ເກີດອຸບັດຕິເຫດຮ່ວມກັບລົດຈັກ ເຮັດໃຫ້ລົດບັນທຸກເສຍຫຼັກໄປຕໍາໃສ່ຄູກາງທາງແລ້ວປີ້ນທັບລົດຈັກເຮັດໃຫ້ຜູ້ຂັບຂີ່ ແລະ​ ຜູ້​ຊ້ອນທ້າຍເປັນເດັກ​ ອາຍຸ​ 14​ ປີ​ ທັງສອງຄົນ​ ເສຍຊີວິດຄາທີ່.

ປັດຈຸບັນ​ ເຈົ້າ​ໜ້າທີ່​ຕຳຫຼວດ​ຈະລາຈອນ​ ນວ​ ກຳລັງ​ສືບສວນ-ສອບສວນ,​ ເກັບກຳຂໍ້ມູນຊອກຫາສາເຫດຂອງການເກີດອຸບັດຕິເຫດ ແລະ ຈະໄດ້ສົມທົບກັບພາກສ່ວນທີ່ກ່ຽວຂ້ອງເປີດກອງປະຊຸມປຶກສາຫາລືຊອກໃຫ້ໄດ້ສາເຫດຂອງການເກີດອຸບັດຕິເຫດໃນຄັ້ງນີ້; ດັ່ງນັ້ນ​ ຈື່ງຮຽກຮ້ອງໃຫ້ຜູ້ຂັບຂີ່ລົດທຸກຄົນມີສະຕິ, ເອົາໃຈໃສ່ປະຕິບັດກົດລະບຽບຈະລາຈອນຢ່າງເຂັ້ມງວດ,​ ຜູ້​ປົກ​ຄອງກໍໃຫ້ເອົາໃຈໃສ່ສຶກສາອົບຮົມລູກຫຼານຂອງຕົນໃຫ້ດີ,​ ເດັກອາຍຸບໍ່ຮອດ 15​ ປີ,​ ບໍ່ມີໃບຂັບຂີ່​ຫ້າມຂັບຂີ່ລົດຢ່າງເດັດຂາດ​ ເພາະຈະເປັນສາເຫດພາໃຫ້ເກີດອຸບັດຕິເຫດ​ ຄືກໍລະນີດັ່ງກ່າວ.

ແຫຼ່ງຂ່າວຈາກ ປ້ອງກັນຄວາມສະຫງົບນະຄອນຫຼວງວຽງຈັນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...