ປະທານາທິບໍດີ ສີ ຈິ້ນຜິງ ກຽມການເດີນທາງອອກນອກປະເທດເປັນຄັ້ງທຳອິດ ນັບຕັ້ງແຕ່ເກີດການລະບາດຂອງໂຄວິດ-19 ໃນອາທິດນີ້ ເພື່ອໄປພົບປະຫາລືກັບຜູ້ນຳຣັດເຊຍ.
ທ່ານ ສີ ຈິ້ນຜິງ ປະທານາທິບໍດີຂອງຈີນ ກຽມການເດີນທາງອອກຈາກຈີນໃນອາທິດນີ້ ໂດຍມີການກຳນົດພົບປະຫາລືກັບປະທານາທິບໍດີ ວະລາດິເມຍ ປູຕິນ ຜູ້ນຳຣັດເຊຍ ໃນຊ່ວງເວລາທີ່ນາໆຊາດພາກັນຂວ້ຳບາດຣັດເຊຍ ນັບວ່າການຢ້ຽມຢາມຣັດເຊຍເທື່ອນີ້ ເປັນການເດີນທາງອອກນອກປະເທດຈີນຄັ້ງທຳອິດ ນັບຕັ້ງແຕ່ມີການລະບາດຂອງໂຄວິດ-19 ບໍ່ນັບການເດີນທາງໄປຮົງກົງ ໂດຍທ່ານ ສີ ຈິ້ນຜິງ ຈະເຂົ້າຢ້ຽມຢາມຄາຊັກສະຖານ ໃນວັນພຸດ ທີ 14 ກັນຍາ ກ່ອນທີ່ຈະເຂົ້າໄປຮ່ວມການປະຊຸມ Shanghai Cooperation Organization ທີ່ມີຈີນເປັນແກນນຳ ທີ່ປະເທດອຸສເບກິສຖານ ໃນຊ່ວງທ້າຍອາທິດ ເຊິ່ງຈະໄດ້ພົບກັບທ່ານ ວະລາດິເມຍ ປູຕິນ ຢ່າງໃດກໍຕາມທັງສອງປະເທດຍັງບໍ່ເປີດເຜີຍລາຍລະອຽດຂອງການຫາລືເທື່ອ.
ໂດຍນັບຕັ້ງແຕ່ ປະທານາທິບໍດີ ສີ ຈິ້ນຜິງ ຂຶ້ນດຳລົງຕຳແໜ່ງໃນປະ 2014 ລາວເຄີຍພົບທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ມາແລ້ວ 38 ເທື່ອ ແຕ່ລາວຍັງບໍ່ເຄີຍພົບຫາລືກັບ ທ່ານ ໂຈ ໄບເດນ ປະທານາທິບໍດີອາເມຣິກາ ແບບເຊິ່ງໜ້າ ນັບຕັ້ງແຕ່ລາວໄດ້ເຂົ້າຮັບຕຳແໜ່ງໃນປິ 2021.
ແຫຼ່ງຂ່າວຈາກ ຣອຍເຕີ