spot_img
Homeຂ່າວຕ່າງປະເທດຢູເຄຣນບຸກຍຶດພື້ນທີ່ຈາກຣັດເຊຍໄດ້

ຢູເຄຣນບຸກຍຶດພື້ນທີ່ຈາກຣັດເຊຍໄດ້

Published on

ສຳນັກຂ່າວທາງການຂອງຣັດເຊຍ The Moscow Times ໄດ້ລາຍງານວ່າ: ຣັດເຊຍ​ໄດ້​ຖອນ​ທະ​ຫານອອກ​ຈາກ​ພາກ​ຕາ​ເວັນ​ອອກຂອງຄາຄີຟ ເນື່ອງຈາກການໂຈມຕີທີ່ໄວວາ.

ກອງທັບ​ຢູເຄຣນອ້າງວ່າ ​ໄດ້​ຍຶດ​ເອົາ​ດິນ​ແດນຄືນຈາກຣັດເຊຍໄດ້ 3,000 ກິ​ໂລ​ຕາ​ແມັດ​ ໃນ​ການ​ໂຈມ​ຕີ​ຢ່າງ​ວ່ອງ​ໄວ​ໃນ​ພາກ​ຕາ​ເວັນ​ອອກ​ຂອງຢູເຄຣນ.

ຕອນ​ຄ່ຳ​ ວັນ​ທີ 8 ກັນຍາ​ທີ່ຜ່ານມານີ້ ປະທານາທິບໍດີ​ຢູເຄຣນ ທ່ານ ໂວໂລດີເມຍ ເຊເລນສະກີ (Volodymyr Zelensky) ກ່າວ​ວ່າ ສາມາດຍຶດເຂດດັ່ງກ່າວໄດ້ 1,000 ກິ​ໂລ​ຕາ​ແມັດ ​ແລະ​ ສາມາດຍຶດເພີ່ມ​ຂຶ້ນໄດ້ 2,000 ກິ​ໂລ​ຕາ​ແມັດ ໂດຍ​ທະຫານ​ຢູເຄຣນ​ໄດ້​ບຸກ​ໂຈມ​ຕີ​ເມືອງ​ສຳຄັນ​ຂອງ​ຣັດ​ເຊຍ​ຄື ອິຊູມ ແລະ ຄູປຽນ ໃນ​ຕອນ​ຄ່ຳ​ວັນ​ທີ 10 ກັນຍາ​ທີ່ຜ່ານມານີ້ .

ກະຊວງ​ປ້ອງ​ກັນ​ປະ​ເທດຣັດ​ເຊຍ​ ຍັງ​ຢືນຢັນ​ວ່າ ກອງ​ທັບ​ຂອງ​ພວກເຂົາໄດ້​ຖອນກຳລັງ​ອອກ​ຈາກ ອິຊູມ​ ​ໂດຍ​ກ່າວ​ວ່າ ​ແມ່ນ​ໄດ້​ເຮັດ​ເພື່ອ​ຮັກສາ​ກຳລັງ​ທະຫານ ເພື່ອໃຫ້ກອງກຳລັງໄປ ຮວມຕົວກັນໃໝ່ ໃນເຂດທີ່ຍຶດຄອງ ຂອງກອງກຳລັງພວກແບ່ງແຍກດິນແດນທີ່ໄດ້ຮັບການສະໜັບສະໜູນຈາກຣັດເຊຍ.

ກະຊວງ​ປ້ອງ​ກັນ​ປະ​ເທດຣັດ​ເຊຍ ​ຢືນຢັນ​ວ່າ​ໄດ້​ຖອນ​ທະຫານ​ອອກ​ຈາກ​ເມືອງ​ໃຫຍ່​ສຳຄັນ ແຫ່ງທີ່​ສາມຄື ບາລັກເຄຼຍ ​ເພື່ອ “ຊຸກຍູ້​ຄວາມ​ພະຍາຍາມ” ​ເພື່ອ​ໂຈມ​ຕີຂອງເຂດໂດເນສ ເຊິ່ງກອງທັບຢູເຄຣນໄດ້​ເຂົ້າໄປ​ເມືອງ​ດັ່ງກ່າວ​ໃນ​ວັນ​ທີ 9 ກັນຍາ​ນີ້.

ຖ້າ​ຫາກ​ກອງທັບຢູເຄຣນສາມາດ​ຍຶດ​ເອົາ​ເຂດ​ທີ່​ຖືກ​ບຸກ​ໂຈມ​ຕີ​ຄືນ​ມາ​ໄດ້ ຈະເຮັດໃຫ້ພື້ນທີ່ເຂດແນວຮົບຂອງແຖວໜ້າມີການປ່ຽນແປງທີ່ໃຫຍ່ທີ່ສຸດ ນັບຕັ້ງແຕ່ຣັດເຊຍໄດ້ຖອນທະຫານອອກຈາກກຸງເຄຍຟ ໃນເດືອນເມສາ.

ຄູປຽນ ເປັນເມືອງ​ສູນ​ກາງສຳລັບ​ຂົນ​ສົ່ງ​ອຸປະກອນ​ຂອງ​ຣັດດ​ເຊຍ ຢູ່​ພາກ​ຕາ​ເວັນ​ອອກ ແລະ ການສູນເສຍເມືອງອິຊູມ ເຊິ່ງຣັດເຊຍໃຊ້ເວລາຫຼາຍກວ່າໜຶ່ງເດືອນເພື່ອຍຶດເອົາຫຼັງຈາກສົງຄາມໄດ້ເລີ່ມຕົ້ນຂຶ້ນ.

ອາ​ທິດ​ທີ່​ແລ້ວ ຢູ​ເຄຣນ ໄດ້​ເປີດ​ການ​ບຸກ​ໂຈມ​ຕີ​ຄັ້ງ​ນີ້ ໃນ​ຂະ​ນະ​ທີ່​ຄວາມ​ສົນ​ໃຈ​ຂອງ​ສາ​ກົນ​ ສຸມ​ໃສ່​ຄວາມ​ກ້າວ​ໜ້າ​ທາງ​ການ​ທະ​ຫານ ຢູ່​ໃນ​ນະ​ຄອນເຄຍຊອນ ທາງ​ພາກ​ໃຕ້ ໂດຍນັກວິ​ເຄາະ​ຫຼາຍ​ຄົນ​ກ່າວ​ວ່າ ຣັດ​ເຊຍ​ກຳລັງ​ສົ່ງ​ທະຫານ​ທີ່​ມີ​ປະສົບ​ການຫຼາຍ ​ເພື່ອ​ພະຍາຍາມ​ປົກ​ປັກ​ຮັກສາ​ເຂດ​ດັ່ງກ່າວໄວ້.

ນອກຈາກນີ້ ຢູເຄຣນກໍໄດ້ກ່າວວ່າ ກຳລັງຄ່ອຍໆຍຶດເອົາທາງພາກໃຕ້ກັບຄືນມາໄດ້ຄືກັນ ໂດຍກອງທັບຢູເຄຣນກໍໄດ້ຖືກສະກັດກັ້ນຢ່າງໜັກຕັ້ງແຕ່ເລີ່ມປະຕິບັດການໃນຮອບນີ້.

ທີ່ເມືອງເຄຍຟ ​ເຈົ້າ​ໜ້າ​ທີ່​ທ້ອງ​ຖິ່ນ​ກ່າວ​ວ່າ ການ​ໂຈມ​ຕີ​ດ້ວຍ​ລູກ​ສອນ​ໄຟ​ຂອງຣັດ​ເຊຍ​ ໄດ້​ສັງຫານ​ຜູ້ໜຶ່ງ​ເສຍ​ຊີວິດ ​ແລະ​ສ້າງ​ຄວາມ​ເສຍ​ຫາຍ​ໃຫ້​ບ້ານ​ເຮືອນຫຼາຍຫຼັງ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...