spot_img
Homeຂ່າວການຮ່ວມມືລາວ-ຫວຽດນາມ-ກຳປູເຈຍ ເຝິກຊ້ອມກອບກູ້ໄພພິບັດ

ລາວ-ຫວຽດນາມ-ກຳປູເຈຍ ເຝິກຊ້ອມກອບກູ້ໄພພິບັດ

Published on

ໃນວັນທີ 10 ກັນຍາ 2022 ຜ່ານມາ, ຢູ່ທີ່ອ່າງນໍ້າຫຸມ ວິທະຍາຄານພະລາທິການກອງທັບ ກະຊວງປ້ອງກັນປະເທດ ຈັດພິທີເປີດການເຝິກຊ້ອມຮ່ວມກອບກູ້ໄພພິບັດລະຫວ່າງ 3 ກອງທັບ ກຳປູເຈຍ-ຫວຽດນາມ-ລາວ ພາຍຫຼັງທີ່ທຸກເຫລົ່າຮົບ 3 ກອງທັບໄດ້ມີການກະກຽມວຽກງານທາງດ້ານແຜ່ນທີ່-ແຜນຮ່າງ ຕະຫລອດໄລຍະເວລາ 1 ເດືອນທີ່ຜ່ານມາ, ໂດຍການເຂົ້າຮ່ວມຂອງ ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ ຫົວໜ້າຄະນະຊີ້ນໍາວຽກງານກອບກູ້ໄພພິບັດຮ່ວມ 3 ກອງທັບ , ມີ ສະຫາຍ ພົນຕີ ແປນ ໂສກຮິດວິເຢຍ ຫົວໜ້າຫ້ອງການເສນາຮ່ວມ, ສະຫາຍ ພັນເອກ ພິເສດ ຟ້າມວັນພຸ້ງ ຮອງຫົວໜ້າເສນາທິການກອງບັນຊາການທະຫານເຂດ 4, ຄະນະນຳກະຊວງປ້ອງກັນປະເທດ ທີ່ມາຈາກກົມກອງຕ່າງໆອ້ອມຂ້າງກະຊວງ, ຄະນະນໍາຂອງກໍາລັງທະຫານ 3 ຊາດ ກຳປູເຈຍ-ຫວຽດນາມ-ລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນການເຝິກຊ້ອມກອບກູ້ໄພພິບັດ ຮ່ວມ 3 ກອງທັບ ກຳປູເຈຍ-ຫວຽດນາມ-ລາວ ໄດ້ເເບ່ງອອກເປັນ 2 ພາກຄື: ການຊອກຄົ້ນ-ກອບກູ້ຜູ້ປະສົບໄພທາງນ້ຳ ໂດຍເເບ່ງອອກເປັນ 3​ຈຸຄື: ຈຸທີ 1 ໃຊ້ເຮືອລາດຕະເວນຈຳນວນ 6​ ລຳ,​ເພື່ອຊອກຫາຜູ້ປະສົບໄພທີ່ຕົກຄ້າງຢູ່ຕາມຈຸດຕ່າງໆ ຈຸທີ 2​ ຊອກຄົ້ນກອບກູ້ຜູ້ປະສົບໄພທີ່ຈົມຢູ່ພື້ນນ້ຳດ້ວຍນັກດຳນ້ຳ, ສ່ວນຈຸທີ3 ກອບກູ້ ແລະ​ ຍົກຍ້າຍຜູ້ປະສົບໄພ ຫຼື ຜູ້ບາດເຈັບ​ ດ້ວຍເຮືອໄປຫາເຂດທີ່ປອດໄພ, ຫລັງຈາກນັ້ນ ທະຫານອາກາດໄດ້ນຳໃຊ້ເຄື່ອງບິນZ-9 ບິນລາດຕະເວນຊອກຄົ້ນຜູ້ປະສົບໄພຕາມຈຸດຕ່າງໆທີ່ເຮືອບໍ່ສາມາດເຂົ້າເຖິງ, ເຄື່ອງບິນ​ Mi -​17 ບິນຢ່ອນນັກກອບກູ້ລົງຊ່ວຍເຫລືອຜູ້ປະສົບໄພທີ່ຢູ່ຈຸດສູງເຂດທຸລະກັນດານ​ ແລະ ພື້ນທີ່ນໍ້າຖວ້ມທີ່ມີສິ່ງກີດຂວາງ,​ ຕົ້ນໄມ້ຫັກທັບຖົມ ລວມເຖິງວຽກງານວິຊາສະເພາະປີ່ນອ້ອມຕ່າງໆ.

ໂອກາດດຽວກັນນີ້, ສະຫາຍ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ ຫົວຫນ້າຄະນະຊີ້ນຳວຽກງານກອບກູ້ໄພພິບັດຮ່ວມ 3 ກອງທັບ ໄດ້ມີຄໍາເຫັນ ແລະ ກ່າວເປີດພິທີໃນຄັ້ງນີ້ວ່າ:ການ​ເຝິກຊ້ອມກອບ​ກູ້​ໄພພິບັດ​ຮ່ວມ​3 ກອງທັບ​ໃນ​ຄັ້ງ​ນີ້ ຖື​ວ່າ​ເປັນ​ຄັ້ງ​ທຳ​ອິດ, ​ເເລະ ​ສຸດ​ທີ່​ມີ​ຄວາມ​ໝາຍ​ສຳຄັນ​ຫຼາຍ ​ເນື່ອງຈາກວ່າ 3 ກອງທັບ ກຳປູເຈຍ-ຫວຽດນາມ-ລາວ ຈະ​ໄດ້​ຍົກ​ລະດັບ​ຄວາມ​ຮູ້​ຄວາມ​ສາມາດ ​ແລະ​ ຄວາມ​ຊຳນິ​ຊຳນານ ​ໃນ​ການກະ​ກຽມຄວາມພ້ອມ​ກອບ​ກູ້​ໄພພິບັດ​ໃນ​ທຸກ​ເງື່ອນ​ໄຂ ​ແລະ ​ໃນ​ທຸກ​ສະຖານະ​ການ​ທີ່​ອາດ​ຈະເກີດ​ຂຶ້ນ.

ການຈັດພິທີເປີດການເຝິກຊ້ອມຮ່ວມກອບກູ້ໄພພິບັດລະຫວ່າງ 3 ກອງທັບ ໃນຄັ້ງນີ້ ຍັງ​​ເປັນ​ການ​ແລກປ່ຽນ​ບົດຮຽນ, ປະສົບ​ການ​ດ້ານ​ວິຊາ​ສະ​ເພາະ ​ແລະ ​ດ້ານວັດທະນະ​ທຳ, ຮີດຄອງ​ປະ​ເພນີຮ່ວມ​ກັນ ,​ເສີມ​ສ້າງ​ຄວາມ​ສາມັກ​ຄີ, ສາຍ​ພົວພັນ​ມິດຕະພາບ ​ແລະ ​ຄວາມ​ເຂົ້າ​ອົກ​ເຂົ້າ​ໃຈ​ເຊິ່ງກັນ ​ແລະ​ກັນ ​ໃຫ້​ນັບ​ມື້​ນັບ​ແໜ້ນ​ແຟ້ນຍິ່ງໆ​ຂຶ້ນ ພ້ອມທັງຮຽກຮ້ອງ​ໃຫ້​ທຸກ​ພາກສ່ວນທີ່ເຂົ້າຮ່ວມການເຝິກຊ້ອມໃນຄັ້ງນີ້​ ຍົກ​ສູງ​ຄວາມ​ຮັບຜິດຊອບ, ​ຄວາມເປັນ​ເຈົ້າ​ການ​ປະຕິບັດ​ລະບຽບ​ວິ​ໄນ, ມະຕິ​ຄຳ​ສັ່ງ​ ​ແລະ​ ແຜນການ​ເຝິກຊ້ອມ​ໃຫ້​ເຂັ້ມ​ງວດ, ສິ່ງ​ສຳຄັນເເມ່ນຕ້ອງເພີ່ມທະວີການ​ຮັກສາ​ຄວາມ​ສາມັກຄີ​ເຊິ່ງກັນ ​ແລະ ​ກັນ, ຮັບປະກັນຄວາມ​ປອດ​ໄພ​ໃນ​ທຸກ​ດ້ານ.

ແຫຼ່ງຂ່າວ: Lao people’s Army News

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...