ກົມຊົນລະປະທານ ກະຊວງກະສິກຳ ແລະ ປ່າໄມ້ ມີແຜນສະໜອງນ້ຳໃຫ້ແກ່ການຜະລິດ ສົກປີ 2014-2015 ໃຫ້ໄດ້
580.000 ກວ່າເຮັກຕາ ໃນນັ້ນສະໜອງນ້ຳໃນການລະດູແລ້ງ 180.000 ກວ່າເຮັກຕາ ແລະ ລະດູຝົນ 400.000
ເຮັກຕາ ແລະ ໃນສົກປີ 2015-2016 ຈະສະໜອງ ນ້ຳໃນເນື້ອທີ່ການຜະລິດລະດູແລ້ງ ໃຫ້ໄດ້ 300.000 ເຮັກຕາ ທັງ
ນີ້ ກໍເພື່ອຮັບປະກັນການບັນລຸເປົ້າໝາຍຈະຜະລິດເຂົ້າໃຫ້ໄດ້ 4,2 ລ້ານໂຕນ ໃນປີ 2015 ເພື່ອຄ້ຳປະກັນດ້ານສະ
ບຽງອາຫານຂອງຊາດ, ທັງເປັນສ່ວນແຮໄວ້ ແລະ ເປັນສິນຄ້າເພື່ອສົ່ງຂາຍທັງພາຍໃນ ແລະ ຕ່າງປະເທດ.
ທ່ານ ໄມກອງ ພອນພົມມະວົງ ຫົວໜ້າກົມຊົນລະປະທານ ກະຊວງກະສິກຳ ແລະ ປ່າໄມ້ ໄດ້ໃຫ້ສຳພາດຕໍ່ສື່ມວນ
ຊົນ ເມື່ອບໍ່ດົນນີ້ວ່າ: ປັດຈຸບັນ ທົ່ວປະເທດມີລະບົບຊົນລະປະທານທັງໝົດ 20.000 ກວ່າໂຄງການ ແລະ ສາມາດ
ສະໜອງນ້ຳໄດ້ 345.700 ກວ່າເຮັກຕາ, ໃນນັ້ນ ໄດ້ແຍກອອກເປັນ 7 ປະເພດຄື: ປະເພດອ່າງເກັບນ້ຳ ມີ 466 ໂຄງ
ການ,ສະໜອງນ້ຳໃນເນື້ອທີ່ 39.891 ເຮັກຕາ; ຝ່າຍນ້ຳລົ້ນ 2.216 ໂຄງການ, ສະໜອງນ້ຳໃນເນື້ອທີ່ 75.740 ເຮັກ
ຕາ; ຝ່າຍກວຍຫີນ 2.216 ໂຄງການ, ສະໜອງນ້ຳໃນເນື້ອທີ່ 75.740 ເຮັກຕາ; ປະຕູເອົານ້ຳ 446 ໂຄງການ, ສະ
ໜອງນ້ຳໃນເນື້ອທີ່ 14.000 ກວ່າເຮັກຕາ; ຈັກສູບນ້ຳ ມີ 513 ໂຄງການ, ສະໜອງນ້ຳໃນເນື້ອທີ່ 85.000 ກວ່າເຮັກ
ຕາ; ຈັກສູບນ້ຳຂະໜາດນ້ອຍ 1.297 ໂຄງການ, ສະໜອງນ້ຳໃນເນື້ອທີ່ 1.755 ເຮັກຕາ ແລະ ຝ່າຍປະຖົມປະຖານ
12.894 ໂຄງການ, ສະໜອງນ້ຳໃນເນື້ອທີ່ 53.462 ເຮັກຕາ ທ່ານ ໄມກອງ ພອນພົມມະວົງ ຍັງໃຫ້ຮູ້ອີກວ່າ: ເພື່ອ
ຮັບປະກັນການສະໜອງນ້ຳຢ່າງພຽງພໍໃຫ້ແກ່ກະສິກອນ ໃນຂອງເຂດທົ່ວປະເທດ ກົມຊົນລະປະທານມີແຜນຂະ
ຫຍາຍໂຄງການຊົນລະປະທານ ໃນໄລຍະປີ 2016-2020 ໂດຍປະຕິບັດຕາມແຜນບູລິມະສິດຂອງລັດຖະບານ ລວມ
ມີ 15 ໂຄງການ ເຊິ່ງສ່ວນຫລາຍແມ່ນໂຄງການນ້ຳໄຫລແຮງ ໂດຍບໍ່ໄດ້ໃຊ້ຈັກສູບນ້ຳ ທັງນີ້ ກໍເພື່ອແນໃສ່ປະຢັດ
ແຮງງານ, ປະຢັດຕົ້ນທຶນການຜະລິດ ຖ້າໂຄງການດັ່ງກ່າວ ສຳເລັດຈະສາມາດສະໜອງນ້ຳໃຫ້ເນື້ອທີ່ການຜະລິດ
ຕື່ມອີກປະມານ 29.000 ກວ່າເຮັກຕາ.
ແຫລ່ງຂ່າວ: ສຳນັກຂ່າວສານປະເທດລາວ