ສະຫະພັນບານເຕະ ບຣູໄນ ດາຣູຊາລາມ (FABD) ປະກາດວ່າ ບຣູໄນ ດາຣູຊາລາມ ຈະຈັດການແຂ່ງຂັນກິລາບານເຕະມິດຕະພາບສາກົນ ພາຍຫຼັງທີ່ຫາຍສາບສູນໄປເປັນເວລາດົນນານ ຍ້ອນພະຍາດໂຄວິດ.
ການແຂ່ງຂັນລະດັບນາໆຊາດຈະເລີ່ມໂດຍທີມຊາດ U20 ປີ ແຂ່ງກັບ ທີມ ຊາລາວັກ (ມາເລເຊຍ) U20 ໃນຂະນະທີ່ທີມຊາດ A ຄາດວ່າຈະແຂ່ງນັດກະຊັບມິດກັບທີມຊາດລາວ ແລະ ເມົາດີຟໃນເດືອນໜ້າ, ສຳລັບການແຂ່ງຂັນລະຫວ່າງ ບຣູໄນ ພົບ ຊາລາວັກ ຢູ-20 ຈະແຂ່ງຂັນຢູ່ທີ່ສະຫນາມກິລາບານເຕະ FABD ໃນວັນທີ 28 ສິງຫາ ເວລາ 4 ໂມງແລງ.
ທ່ານຮອງປະທານ FABD Haji Salleh Bostaman bin Haji Zainal Abidin ໄດ້ສະແດງຄວາມຂອບໃຈທີ່ສາມາດເຊື້ອເຊີນທີມສາກົນເຂົ້າຮ່ວມການແຂ່ງຂັນມິດຕະພາບ.
ທ່ານໄດ້ກ່າວວ່າ: “ນີ້ເປັນການໂອກາດບໍ່ພຽງ ແຕ່ສຳລັບຜູ້ຢູ່ອາໃສຊາວບຣູໄນເທົ່ານັ້ນ. ແຕ່ແຟນບານຈະເບິ່ງການແຂ່ງຂັນສາກົນທີ່ບໍ່ສາມາດເບິ່ງໄດ້ໃນໄລຍະການແຜ່ລະບາດຂອງ COVID-19,”
ສະຫະພັນບານເຕະມາເລເຊຍ (FAM) ໃຫ້ຮູ້ວ່າ: ທີມຊາດຊາລາວັກ ຮຸ່ນອາຍຸບໍ່ເກີນ 20 ປີ ພວມກະກຽມເຂົ້າຮ່ວມງານມະຫາກຳກິລາມາເລເຊຍ (SUKMA). ເນື່ອງຈາກຈະເປັນການແຂ່ງຂັນລະດັບສາກົນຄັ້ງທຳອິດທີ່ສະໜາມກິລາບານເຕະທຽມ FABD ໄດ້ຮັບການຮັບຮອງເປັນເຈົ້າພາບຈັດການແຂ່ງຂັນມິດຕະພາບສາກົນ ເຖິງແມ່ນວ່າມີພື້ນທີ່ຈໍາກັດສໍາລັບຜູ້ຊົມ
Haji Salleh Bostaman ຍັງໄດ້ກ່າວວ່າຈະມີເກມທົດລອງ, ລະດັບສູງສາກົນທີ່ໄດ້ຮັບການຍອມຮັບໂດຍສະຫະພັນບານເຕະສາກົນ (FIFA) ແລະສະມາຄົມບານເຕະອາຊີ (AFC) ທີ່ສາມາດປັບປຸງການຈັດອັນດັບຂອງທີມຊາດບຣູໄນ.
ສ່ວນທັງສາມເກມກັບ ລາວ ແລະ ມັລດີຟ ຈະຈັດຂຶ້ນທີ່ ບຣູໄນ ເລີ່ມແຕ່ວັນທີ 21 ກັນຍານີ້, ສ່ວນທີມຊາດ ‘A’ ຂອງບຣູໄນ ຈະພົບກັບ ມັລດີຟ ໃນວັນທີ 21 ກັນຍາ ແລະ ລາວ ວັນທີ 27 ກັນຍາ.
ທີ່ມາ: Borneo Bulletin