ສີລັງກາ ກວດພົບຜູ້ຕິດເຊື້ອພະຍາດໄຂ້ເລືອດອອກເກືອບ 50,000 ກໍລະນີໃນປີ 2022

0
766

ອິງຕາມສຳນັກຂ່າວ (ຊິນຫົວ)ລາຍງານໃນວັນທີ 22 ສິງຫາ 2022 ທີ່ຜ່ານມາ: ໜ່ວຍງານຄວບຄຸມພະຍາດໄຂ້ເລືອດອອກແຫ່ງຊາດສີລັງກາ ໄດ້ກວດພົບຜູ້ຕິດເຊື້ອພະຍາດໄຂ້ເລືອດອອກເກືອບ 50,000 ກໍລະນີໃນຊ່ວງ 8 ເດືອນຕົ້ນປີນີ້.

ໃນວັນອາທິດ (21 ສິງຫາ), ສື່ມວນຊົນທ້ອງຖິ່ນຂອງສີລັງກາໄດ້ກ່າວເຖິງ ຫນ່ວຍງານຄວບຄຸມລາຍງານວ່າມີຄົນເຈັບ 49,941 ຄົນໄດ້ເຂົ້າໂຮງໝໍເປັນໄຂ້ເລືອດອອກໃນໄລຍະ 8 ເດືອນຜ່ານມາ. ເຄິ່ງຫນຶ່ງຂອງກໍລະນີໄດ້ຖືກພົບເຫັນຢູ່ໃນແຂວງພາກຕາເວັນຕົກ, ສ່ວນຫນຶ່ງແມ່ນຢູ່ ໂຄລົມໂບ, ກຳປາຮາ ແລະ ກັນທາລາ.

ທ່ານ ຣູວັນ ວີເຈມຸນີ ເຈົ້າໜ້າທີ່ການແພດຂອງສະພາເທດສະບານ Colombo (CMC) ເຜີຍຕໍ່ບັນດານັກຂ່າວວ່າ: ມີການພົບຜູ້ປ່ວຍໃນໂຄລົມໂບ 12,754 ກໍລະນີໄດ້ຖືກລາຍງານຢູ່ໃນເມືອງ ໂຄລົມໂບ Colombo, 7,496 ຄົນໃນ ກຳປາຮາ(Kampaha) ແລະ 4,731 ໃນ ກັນທາລາ (Kalutara), ເຈົ້າຫນ້າທີ່ກໍາລັງປະເຊີນກັບສິ່ງທ້າທາຍ. ຫຼາຍຢ່າງໃນໂຄງການຄວບຄຸມຍຸງລາຍປະຈຳປີ. ຍ້ອນຂາດທຶນຮອນໃນການຊື້ສານເຄມີ ແລະ ຢາປາບສັດຕູພືດ ໃຊ້ເພື່ອຄວບຄຸມການລະບາດຂອງຍຸງລາຍທີ່ເປັນພະຍາດໄຂ້ເລືອດອອກ.

ທີ່ມາ: ຊິນຫົວ