Homeຂ່າວພາຍ​ໃນລົງກວດກາລົດລະເມີດຕິດດອກໄຟສະປອດໄລ ຫຼື ດອກແອວອີດີ

ລົງກວດກາລົດລະເມີດຕິດດອກໄຟສະປອດໄລ ຫຼື ດອກແອວອີດີ

Published on

ລະຫວ່າງວັນທີ 17-19 ສິງຫາ 2022, ເຈົ້າໜ້າທີ່ໄດ້ລົງກວດກາລົດທີ່ຕິດດອກໄຟສະປອດໄລ ຫຼື ດອກແອວອີດີ ແລ້ວພົບລົດໃຫຍ່ທີ່ລະເມີດດ້ວຍການຕິດດອກໄຟສະປອດໄລ ຫຼື ດອກແອວອີດີໃສ່ຫນ້າລົດ ແລະ ຫຼັງຄາລົດ ຈໍານວນ 60 ກວ່າຄັນ.

ພັຕ ສຸນີ ໄຊຍະວົງ ຮອງຫົວຫນ້າພະແນກຕໍາຫຼວດ ຜູ້ຊີ້ນໍາກອງຕໍາຫຼວດຈະລາຈອນ ເມືອງໄຊທານີ ກ່າວຕໍ່ສື່ມວນຊົນ ປກສ ວ່າ:

ກອງບັນຊາການ ປກສ ເມືອງໄຊທານີ ມອບໃຫ້ກອງຕໍາຫຼວດຈະລາຈອນເມືອງ ເລັ່ງໃສ່ກວດກາການດັດແປງສະພາບເຕັກນິກລົດ ເປັນຕົ້ນແມ່ນລົດໃຫຍທີ່ດັດແປງໄຟຕາ, ຕິດດອກໄຟສະປອດໄລ ຫຼື ດອກແອວອີດີ ໃສຫນ້າລົດ ຫຼື ຫຼັງຄາລົດ.

ລະຫວ່າງວັນທີ 17-19 ສິງຫາ 2022 ໄດ້ຕັ້ງຈຸດກວດກາຢູ່ 3 ຈຸດຄື: ເສັ້ນທາງເລກ 10 ເຂດບ້ານໄຮ່-ທ່າງ່ອນ, ເສັ້ນທາງ 450 ປີ ແລະ ເສັ້ນທາງເລກທີ 13 ໃຕ້ ເຂດຫຼັກ 18 ເພື່ອກວດກາລົດທີ່ຕິດດອກໄຟສະປອດໄລ ຫຼື ດອກແອວອີດີ.

ຜ່ານການລົງປະຕິບັດຫນ້າທີ່ໃນ 3 ວັນຜ່ານມາ ພົບເຫັນຜູ້ລະເມີດຈໍານວນ 60 ກວ່າຄັນ, ເຈົ້າຫນ້າທີ່ຈຶ່ງໄດ້ສຶກສາອົບຮົມ ແລະ ເຮັດບົດບັນທຶກກ່າວເຕືອນໃຫ້ປົດດອກໄຟສະປອດໄລ ຫຼື ເອວອີດີອອກ ພາຍໃນ 30 ວັນ, ຖ້າວ່າພົບເຫັນໃນຄັ້ງຕໍ່ໄປ ຈະໃຊ້ມາດຕະການປັບໃຫມຕາມລະບຽບ ກົດຫມາຍ; ນອກຈາກນີ້, ຍັງກວດກາຍານພາຫະນະທີ່ບໍ່ຕິດ ປ້າຍທະບຽນ, ດັດແປງສະພາບເຕັກນິກລົດ, ບໍ່ເສຍຄ່າທໍານຽມທາງ, ບໍ່ກວດກາເຕັກນິກລົດ, ລົດບໍ່ມີເອກະສານ ແລະອື່ນໆ.

ໂອກາດດຽວກັນ, ພັຕ ສຸນີ ໄຊຍະວົງ ຍັງຮຽກຮ້ອງມາຍັງພະນັກງານ, ທະຫານ-ຕໍາຫຼວດ, ພໍ່-ແມ່ ປະຊາຊົນຜູ້ໃຊ້ລົດ-ໃຊ້ຖະຫນົນ ຢູ່ພາຍໃນເມືອງໄຊທານີ ຈົ່ງເອົາໃຈໃສ່ປະຕິບັດກົດລະບຽບຈະລາຈອນຢ່າງເຂັ້ມງວດ ໂດຍສະເພາະ ແມ່ນການດັດແປງໄຟຕາລົດດ້ວຍການນໍາເອົາດອກໄຟສະປອດໄລ ຫຼື ດອກເອວອີ ດີມາຕິດໃສ່ລົດນັ້ນ ແມ່ນບໍ່ຖືກຕ້ອງຕາມລະບຽບ ເພາະເວລາສັນຈອນໄປ-ມາໃນຍາມຄໍ່າຄືນ ໄຟຕາລົດ ຂອງທ່ານອາດເຮັດໃຫ້ລົດຄັນອື່ນທີ່ຂີ່ສວນທາງກັບລົດຂອງທ່ານແນມບໍ່ເຫັນ ຫຼື ເຫຼື້ອມຕາ, ສ່ຽງຕໍ່ການ ເກີດອຸບັດຕິເຫດໄດ້ງ່າຍ, ສະນັ້ນ, ຫາກທ່ານໄດມີດອກໄຟສະປອດໄລຕິດຢູ່ຫນ້າລົດ ຫຼື ຫຼັງຄາລົດ ບັນດາທ່ານຄວນປົດອອກ ເພື່ອບໍ່ເປັນການລົບກວນ ແລະ ສ້າງຄາມເດືອດຮ້ອນໃຫ້ແກ່ລົດຄັນອື່ນໆທີ່ຂີ່ສວນທາງ ມາ ແລະ ຍັງເປັນການປ້ອງກັນບໍ່ໃຫ້ລົດຄັນອື່ນ ຫຼື ລົດຂອງຕົນເອງເກີດອຸບັດຕິເຫດໃນຍາມຄໍ່າຄືນ.

ແຫຼ່ງຂ່າວຈາກ ປ້ອງກັນຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...