ວັນທີ 22 ສິງຫາ 2022, ທ່ານ ດຣ.ອານັນ ຈົງແກ້ວວັດທະນະ, ນັກຄົ້ນຄວ້າວິທະຍາສາດດ້ານຊີວະວິທະຍາ, ໄດ້ລົງຂໍ້ຄວາມໃນເຟສບຸກ ກ່າວເຖິງ ຕົວຢ່າງກໍລະນີຂອງຜູ້ປ່ວຍທີ່ຕິດເຊື້ອໝາກສຸກລິງ-Covid-HIV ພ້ອມກັນ.
ທ່ານ ດຣ.ອານັນ ລະບຸວ່າ: ວາລະສານວິຊາການ Journal of Infection ໄດ້ລາຍງານກໍລະນີຜູ້ປ່ວຍໝາກສຸກລິງລາຍໜຶ່ງ ທີ່ມີປະວັດການເດີນທາງມາແຕ່ປະເທດແອັດສະປາຍ ໂດຍຂະນະທີ່ຢູ່ນັ້ນໄດ້ມີກິດຈະກຳທາງເພດ ແບບຊາຍຮັກຊາຍແບບບໍ່ປ້ອງກັນ.
ສຳລັບ 9 ມື້ຫຼັງຈາກເດີນທາງເລີ່ມມີອາການ ໄຂ້, ອ່ອນເພຍ, ເຈັບຄໍ, ເຈັບຫົວ, ແລະ ມີຕ່ອມນ້ຳເຫຼືອງໃຫຍ່, ໂດຍ 3 ມື້ຫຼັງອາການນຳເລີ່ມມີຜື່ນແດງຂຶ້ນທີ່ຜິວໜັງ ແລະ ຍັງໄດ້ພົບເຊື້ອ SARS-CoV-2 ໃນຕົວຜູ້ປ່ວຍດ້ວຍການກວດ ATK.
ຜູ້ປ່ວຍທີ່ພັກຢູ່ໂຮງໝໍ 6 ມື້ ຜົນກວດຍັງອອກມາເປັນບວກ ທັງໝາກສຸກລິງ ແລະ ໂຄວິດ ແຕ່ອາການປ່ວຍບັນເທົາລົງຫຼາຍ ເຫຼືອແຕ່ອາການທາງຜິວໜັງທີ່ຍັງຢູ່ໃນຊ່ວງທີ່ກຳລັງຕົກເກັດ ໝໍຈຶ່ງໃຫ້ໄປຮັກສາຕົວຢູ່ທີ່ບ້ານຕໍ່.
ຫຼັງຈາກນັ້ນ 2 ມື້ຜົນກວດ ATK ທີ່ກວດຢູ່ບ້ານກໍເປັນລົບ ແຕ່ສຳລັບຕຸ່ມໜອງຍັງພົບໄດ້ຢູ່ 8 ມຶ້ຫຼັງຈາກກັບມາຮັກສາຕົວຢູ່ບ້ານ, ແຕ່ພົບວ່າຕຸ່ມໜອງຕົກເກັດເກືອບໝົດແລ້ວ ໃນຂະນະທີ່ ທ່ານ ໝໍ ນັດໃຫ້ເຂົ້າກວດອີກຄັ້ງ, ໂດຍການກວດຕົວຢ່າງຈາກຄໍ ຜົນກວດພົບວ່າ: ຜູ້ປ່ວຍຍັງເປັນບວກໜ້າຈະເປັນເພາະອາການໝາກສຸກລິງ ສຳລັບໄລຍະເວລາທີ່ນັບຈາກມື້ການເດີນທາງມາຈາກແອັດສະປາຍ ຮອດມື້ທີ່ກວດມື້ສຸດທ້າຍລວມທັງໝົດຄື 29 ມື້.
ທີ່ມາ: DMS ສະຖານີສຸຂະພາບ ປະເທດໄທ