Homeຂ່າວການຮ່ວມມືແຂວງໄຊຍະບູລີ ແລະ ເຊີນລາ ສືບຕໍ່ຮ່ວມມືຮອບດ້ານ

ແຂວງໄຊຍະບູລີ ແລະ ເຊີນລາ ສືບຕໍ່ຮ່ວມມືຮອບດ້ານ

Published on

ອີງຕາມແຫຼ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ໃນວັນທີ 18 ສິງຫາ 2022, ຢູ່ແຂວງໄຊຍະບູລີ ໄດ້ຈັດການພົບປະລະຫວ່າງ ຄະນະຜູ້ແທນແຂວງ ໄຊຍະບູລີ ສປປ ລາວ ແລະ ແຂວງ ເຊີນລາ ສສ ຫວຽດນາມ, ນໍາໂດຍ ສະຫາຍ ພົງສະຫວັນ ສິດທະວົງ ເລຂາພັກແຂວງ, ເຈົ້າແຂວງໄຊຍະບູລີ ແລະ ສະຫາຍ ລໍມິງຮຸງ ຮອງເລຂາພັກແຂວງເຊີນລາ, ຜູ້ປະຈໍາການ ພ້ອມຄະນະຜູ້ແທນສອງຝ່າຍ ເຂົ້າຮ່ວມ.

ການພົບປະຄັ້ງນີ້, ສະຫາຍ ພົງສະຫວັນ ສິດທະວົງ ໄດ້ກ່າວວ່າ: ເພື່ອເປັນການຜັນຂະຫຍາຍບັນດາເນື້ອໃນຈິດໃຈຂອງຂໍ້ຕົກລົງ, ບົດບັນທຶກ, ສັນຍາ, ສົນທິສັນຍາ ແລະ ຖະແຫລງ ການຂອງສອງພັກ-ສອງລັດ ທີ່ໄດ້ຕົກລົງຮ່ວມມືກັນໃນໄລຍະທີ່ຜ່ານມາ, ການພົບປະໃນຄັ້ງນີ້ ຈະກາຍເປັນຂີດໝາຍ ແຫ່ງການເພີ້ມທະວີສາຍພົວພັນມິດຕະພາບອັນເປັນມູນເຊື້ອ, ຄວາມສາມັກແບບຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ກໍ່ຄືສອງແຂວງພວກເຮົາ ໃຫ້ນັບມື້ມີການຂະຫຍາຍຕົວເຂົ້າສູ່ລວງເລິກ ແລະ ເພີ່ມພູນຄູນສ້າງໃຫ້ຈະເລີນງອກງາມຍິ່ງໆຂຶ້ນ,

ຈາກນັ້ນທັງສອງແຂວງກໍໄດ້ລົງນາມໃສ່ບົດບັນທືກຢ່າງເປັນທາງການ ໂດຍການຮ່ວມລົງນາມ ລະຫວ່າງ ສະຫາຍ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ແລະ ສະຫາຍ ດັງງັອກເຮົາ ຮອງປະທານ ຄະນະກໍາມະການ ປະຊາຊົນແຂວງ ໂດຍມີຄະນະຜູ້ແທນທັງສອງແຂວງຮ່ວມເປັນສັກຂີພິຍານ.

ແຫຼ່ງຂ່າວ: ຂປລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...