ເກີດເຫດລະເບີດທີ່ສາງອາວຸດຂອງກອງທັບໃນໄຄເມຍ ຣັດເຊຍໃນວັນອັງຄານທີ່ຜ່ານມານີ້.

ວັນທີ 16 ສິງຫາ 2022 ສຳນັກຂ່າວ ABC Australia ໄດ້ລາຍງານວ່າ: ເກີດເຫດລະເບີດທີ່ສາງເກັບອາວຸດຂອງກອງທັບ ທີ່ບ້ານໄມສໂຄເຢ ໃນເຂດໄຄເມຍ ທີ່ຖືກຣັດເຊຍຍຶດຄອງ ໃນວັນອັງຄານ ທີ 16 ສິງຫາ ເປັນເຫດໃຫ້ມີຜູ້ໄດ້ຮັບບາດເຈັບ 2 ຄົນ ແລະ ນີ້ແມ່ນເຫດລະເບີດເທື່ອທີ 2 ແລ້ວທີ່ເກີດພາຍໃນອາທິດດຽວ.

ກະຊວງປ້ອງກັນປະເທດຂອງຣັດເຊຍ ກ່າວໂທດວ່າເຫດລະເບີດນີ້ເປັນການໂຈມຕີ ໂດຍລ່າສຸດເກີດຂຶ້ນໃນຕອນເຊົ້າວັນອັງຄານຕາມເວລາທ້ອງຖິ່ນ ມັນສ້າງຄວາມເສຍຫາຍແກ່ສິ່ງປຸກສ້າງ ແລະ ຕ້ອງອົບພະຍົບປະຊາຊົນທີ່ອາໄສຢູ່ໃກ້ຄຽງ ປະມານ 2.000 ຄົນ ໄປຢູ່ບ່ອນປອດໄພ.

ທາງດ້ານຢູເຄຣນ ກໍ່ບໍ່ວ່າຕົນເອງເປັນຜູ້ກະທຳໃນເຫດລະເບີດເທື່ອນີ້ແຕ່ຢ່າງໃດ.

ທັ້ງນີ້ ໃນອາທິດແລ້ວນີ້ກໍມີເຫດລະເບີດຫຼາຍຄັ້ງ ທີ່ຖານທັບອາກາດຣັດເຊຍໃນເມືອງ ໂນໂວເຟໂດຣິຟກາ ບໍລິເວນແຄມທະເລຕະເວັນຕົກຂອງໄຄເມຍ ເຮັດໃຫ້ໂຄງສ້າງພື້ນຖານ ແລະ ເຮືອບິນເສຍຫາຍຢ່າງໜ້ອຍ 8 ລຳ.