ຣາສປັກຊາ ອະດີດປະທະນາທິບໍດີສີລັງກາຮອດໄປແລ້ວ

0
847

ໂກຕາບາຢາ ຣາສປັກຊາ ອະດີດປະທານາທິບໍດີສີລັງກາ ເດີນທາງຮອດສະໜາມບິນດອນເມືອງຂອງປະເທດໄທ ດ້ວຍເຮືອບິນເຊົ່າເໝົາລຳຈາກສິງກະໂປມາຮອດໄທແລ້ວ ໂດຍຄາດວ່າຈະມາອາໄສຢູ່ຊົ່ວຄາວຕາມກຳນົດເວລາ 90 ມື້ ກ່ອນທີ່ຈະໄປລີ້ໄພຢູ່ປະເທດອື່ນ.

ສຳນັກຂ່າວ CNN ໄດ້ລາຍງານວ່າ: ວັນທີ 11 ສິງຫາ 2022 ເວລາປະມານ 20.00 ໂມງ ໂກຕາບາຢາ ຣາສປັກຊາ ອະດີດປະທານາທິບໍດີສີລັງກາ ເດີນທາງຮອດສະໜາມບິນດອນເມືອງຂອງປະເທດໄທ ດ້ວຍເຮືອບິນເຊົ່າເໝົາລຳທີ່ອອກມາຈາກສະໜາມບິນເຊເລຕາ ປະເທດສິງກະໂປ ຫຼັງຈາກທີ່ ໂກຕາບາຢາ ຣາສປັກຊາ  ໄດ້ປະເຊີນກັບການປະທ້ວງຂັບໄລ່ຈາກປະຊາຊົນຈົນຕ້ອງໄດ້ໜີອອກນອກປະເທດ.

ຕາມການລາຍງານລະບຸວ່າ ມີຜູ້ຍິງຄົນໜຶ່ງທີ່ມານຳລາວ ຄາດວ່າຈະແມ່ນພັນລະຍາຂອງລາວ ກ່ອນຂຶ້ນລົດລີມູຊີນ ອອກຈາກສະໜາມບິນດອນເມືອງໄປຫາສະຖານທີ່ ທີ່ບໍ່ເປີດເຜີຍ, ໂດຍ ຣາສປັກຊາ ເດີນທາງອອກຈາກສິງກະໂປໃນມື້ສຸດທ້າຍທີ່ຄົບກຳນົດວັນໝົດອາຍຸວີຊ່າສິງກະໂປ ແລະ ຄາດວ່າ ຣາສປັກຊາ ຈະຢູ່ໄທຈົນຄົບ 90 ມື້ ພາຍໃຕ້ເງື່ອນໄຂທີ່ໄທກຳນົດໄວ້ວ່າ ໃຫ້ ຣາສປັກຊາ ມາອາໄສຊົ່ວຄາວ ໂດຍບໍ່ມີການເຄື່ອນໄຫວທາງການເມືອງ.

ນອກຈາກນີ້ ມີລາຍງານວ່າ ຣາສປັກຊາ ຂໍລີ້ໄພໃນປະເທດບໍລິເວນຕະເວັນອອກກາງ ແຕ່ຍັງບໍ່ໄດ້ຮັບການຕອບຮັບ.