spot_img
Homeຂ່າວພາຍ​ໃນຮອງ ລມຕ ກະຊວງ ປກສ ເນັ້ນກົມ 512 ສືບຕໍ່ພັດທະນາກຳລັງໃຫ້ເຕີບໃຫຍ່ເຂັ້ມແຂງ

ຮອງ ລມຕ ກະຊວງ ປກສ ເນັ້ນກົມ 512 ສືບຕໍ່ພັດທະນາກຳລັງໃຫ້ເຕີບໃຫຍ່ເຂັ້ມແຂງ

Published on

ໃນວັນທີ 9 ສິງຫາ ທີ່ຜ່ານມາ, ໄດ້ມີພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກໍາລັງຄົ້ນຄວ້າວິທະຍາສາດ ແລະ ປະຫວັດສາດ ຄົບຮອບ 20 ປີ, ໃນໂອກາດດັ່ງກ່າວ ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງ ກະຊວງ ປກສ ໄດ້ຮຽກຮ້ອງໃຫ້ຄະນະພັກຄະນະກົມຄົ້ນຄວ້າວິທະຍາສາດ ແລະ ປະຫວັດສາດ ( ກົມ 512 ) ເອົາໃສ່ສືບຕໍ່ພັດທະນາວຽກງານ ແລະ ກໍາລັງໃຫ້ນັບມື້ຂະຫຍາຍຕົວຢ່າງມີປະສິດທິພາບ ແລະ ມີປະສິດທິຜົນສູງ ເພື່ອຕອບສະຫນອງ ຄວາມຮຽກຮ້ອງຕ້ອງການຂອງໜ້າທີ່ວຽກງານການເມືອງໃນໄລຍະໃຫມ່.

ທ່ານຮອງລັດຖະມົນຕີ ກະຊວງ ປກສ ກ່າວວ່າ: ເພື່ອເສີມຂະຫຍາຍທາດແທ້, ມູນເຊື້ອ ແລະ ເຮັດຫນ້າທີ່ການເມືອງອັນມີກຽດສະຫງ່າຂອງຕົນ ທັງສືບ ຕໍ່ພັດທະນາວຽກງານ ແລະ ກໍາລັງຄົ້ນ. ຄວ້າວິທະຍາສາດ ແລະ ປະຫວັດສາດໃຫ້ເຕີບໃຫຍ່ເຂັ້ມແຂງຂຶ້ນເປັນກ້າວໆນັ້ນ ຮຽກຮ້ອງໃຫ້ ຄະນະພັກ-ຄະນະກົມຖືເປັນສໍາຄັນໃນການເພີ່ມທະວີການສຶກສາອົບຮົມການເມືອງ-ນໍາພາແນວຄິດ ໃຫ້ນາຍ ແລະ ພົນຕໍາຫຼວດຢ່າງແຂງແຮງ ແລະ ເລິກເຊິ່ງສາມາດປຸກລະດົມແນວຄິດ-ຈິດໃຈ ແລະ ສ້າງສະຕິໃຫ້ມີຄວາມຕື່ນຕົວທາງດ້ານການເມືອງສູງ, ປັບປຸງແບບແຜນວິທີຄົ້ນຄິດ, ວິທີການເຮັດ ວຽກທີ່ມີວິທະຍາສາດໃຫ້ທ່ວງທັນກັບສະພາບການໃຫມ່, ທັງຕ້ອງມີການຄົ້ນຄວ້າຄາດຄະເນ, ວິເຄາະ-ວິໄຈໃຫ້ຖືກຕ້ອງ ແລະ ກໍານົດບັນດາວຽກງານຈຸດສຸມທີ່ເປັນຍຸດທະ ສາດ ເພື່ອຈັດຕັ້ງ ປະຕິບັດໃຫ້ເປັນຮູບປະທໍາຕົວຈິງ; ປັບປຸງ-ກໍ່ສ້າງກໍາລັງໃຫ້ມີຄວາມຮູ້-ຄວາມສາມາດທາງດ້ານວິຊາ ສະເພາະໃນລະດັບອັນແນ່ນອນ, ມີຫົວຄິດປະດິດສ້າງ ແລະ ມີຄວາມຮັບຜິດຊອບສູງໃນຫນ້າທີ່ ວຽກງານ.

ໃນພິທີ, ພົຈວ ສະແຫວງ ພົມມະລີ ຫົວຫນ້າກົມ 512 ຍັງໄດ້ໄດ້ຍົກໃຫ້ເຫັນເຖິງປະຫວັດ ການກໍາເນີດ ແລະ ຄວາມເປັນມາຂອງກໍາລັງຄົ້ນຄວ້າວິທະ ຍາສາດ ແລະ ປະຫວັດສາດ ປກສ ແມ່ນຕິດພັນກັບມູນເຊື້ອອັນສະຫງ່າງາມຂອງກໍາລັງປ້ອງກັນຄວາມສະຫງົບປະຊາຊົນ ກໍຄືມູນເຊື້ອ ແຫ່ງການນໍາພາອັນປີຊາສາມາດ ສະຫຼາດສ່ອງໃສຂອງພັກເຮົາໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໂດຍສະເພາະແມ່ນການຊີ້ນໍາ-ນໍາພາຢ່າງໃກ້ຊິດຂອງຄະນະພັກ ກະຊວງ ກໍຄື ຄະນະກພັກກົມໃນແຕ່ລະໄລຍະຜ່ານມາ,

ນັບແຕ່ມື້ສ້າງຕັ້ງຈົນມາຮອດປັດຈຸບັນ (ວັນທີ 9 ສິງຫາ 2009-9 ສິງຫາ 2022) ກອບການຈັດຕັ້ງ ແລະ ໄດ້ເຕີບໃຫຍ່ ຜ່ານຂະບວນທົດສອບ ແລະ ການເຄື່ອນໄຫວວຽກງານຕົວຈິງ, ທັງສາມາດກໍ່ສ້າງນາຍ ແລະ ພົນຕໍາຫຼວດ ກາຍເປັນການນໍາຫຼັກແຫຼ່ງຂອງກະຊວງ ແລະ ບັນດາກົມກອງ-ທ້ອງຖິ່ນໃນກໍາລັງປ້ອງກັນຄວາມ ສະຫງົບອີກດ້ວຍ.

ແຫຼ່ງຂ່າວ: ຄວາມສະຫງົບ

ບົດຄວາມຫຼ້າສຸດ

ມີລາຍຮັບ 94 ລ້ານໂດລາ ໃນປີ 2025 ຂະແໜງການທ່ອງທ່ຽວແຂວງຈໍາປາສັກ ສາມາດສ້າງລາຍຮັບຫຼາຍກວ່າ 94 ລ້ານໂດລາ

ໃນໄລຍະ 1 ປີຜ່ານມາ ຫຼື ປີ 2025 ທີ່ຜ່ານມາ, ແຂວງຈໍາປາສັກມີລາຍຮັບຫຼາຍກວ່າ 94 ລ້ານໂດລາຈາກຂະແໜງທ່ອງທ່ຽວໂດຍມີນັກທ່ອງທ່ຽວເຂົ້າມາທ່ຽວພາຍໃນແຂວງ ທັງໝົດ 728,064 ເທື່ອຄົນ, ໃນນັ້ນ,​...

ເສີມຂະຫຍາຍສາຍພົວພັນ ສອງນາຍົກລັດຖະມົນຕີ ລາວ-ກໍາປູເຈຍ ພົບປະປຶກສາຫາລືເສີມຂະຫຍາຍການພົວພັນຮ່ວມມືສອງຝ່າຍ

ໃນວັນທີ 7 ກຸມພາ 2026 ທີ່ຜ່ານມາ, ທີ່ນະຄອນຫຼວງພະນົມເປັນ ຣາຊະອານາຈັກກໍາປູເຈຍ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ...

ລາວ-ສະຫະນະຄອນ ເອເມຣັດ ອາຣັບ ເຊັນບົດບັນທຶກ ກ່ຽວກັບການຮ່ວມມືເພື່ອການພັດທະນາໂຄງການສູນກາງດີຈິຕອນ-ປັນຍາປະດິດອາຊຽນ ແລະ ຄວາມປອດໄພທາງໄຊເບີ-ລະບົບນິເວດການເງິນດີຈິຕອນ

ພິທີເຊັນບົດບັນທຶກຄວາມເຂົ້າໃຈ ລະຫວ່າງ ລັດຖະບານ ແຫ່ງ ສປປ ລາວ ແລະ ພາກທຸລະກິດຊັ້ນນໍາ ຂອງ ສະຫະນະຄອນ ເອເມຣັດ ອາຣັບ ວັນທີ 3...

ມອບທຶນຊ່ວຍເຫຼືອ 900 ລ້ານເຢນ ລັດຖະບານຍີ່ປຸ່ນມອບທຶນຊ່ວຍເຫຼືອ ໂດຍການສະໜອງລົດເມໄຟຟ້າ ເພື່ອສົ່ງເສີມການທ່ອງທ່ຽວຢູ່ແຂວງຫຼວງພະບາງ

ໃນຕອນບ່າຍວັນທີ 6 ກຸມພານີ້ ທີ່ກະຊວງການຕ່າງປະເທດ ໄດ້ມີພິທີລົງນາມເອກະສານແລກປ່ຽນ ສໍາລັບໂຄງການຊ່ວຍເຫຼືອຈາກລັດຖະບານຍີ່ປຸ່ນໃນໂຄງການພັດທະນາເສດຖະກິດ ແລະ ສັງຄົມ ເພື່ອສະໜອງອຸປະກອນການຂົນສົ່ງສາທາລະນະ (The Economic and Social Deve...