ສຳນັກຂ່າວຕ່າງປະເທດ ລາຍງານໃນວັນທີ 13 ພະຈິກນີ້ວ່າ ເກີດເຫີດສະລິງກະເຊົ້າເຊັດກະຈົກຂາດ ໃນລະຫວ່າງ

ທີ່ພະນັກງານກຳລັງເຊັດກະຈົກຢູ່ຊັ້ນທີ 69 ຂອງຕຶກ ວັນ ເວີນດ໌ເທຣດ ເຊັນເຕີ້ ໃຈກາງມະຫານະຄອນນິວຢອກ

ສະຫະລັດອາເມຣິກາ ໂຊກດີທີ່ບໍ່ມີໃຜເສຍຊີວິດ ເພາະໄດ້ຮັບການຊ່ວຍເຫລືອລົງມາໄດ້.

ເຫດການດັ່ງກ່າວ ເກີດຂຶ້ນໃນເວລາຕອນທ່ຽງຂອງວັນທີ 12 ພະຈິກຜ່ານມາ ໂດຍ ທ້າວ ຮວນ ລິຊາມາ ອາຍຸ 41

ປີ ແລະ ທ້າວ ຮວນ ໂລເປດ ອາຍຸ 33 ປີ ພະນັກງານເຊັດກະຈົກທັງສອງຄົນ ໄດ້ຂຶ້ນໄປໃນກະເຊົ້າ ເພື່ອເຮັດໜ້າທີ່

ເຊັດກະຈົກແຕ່ລະຊັ້ນຂອງຕຶກ ວັນ ເວີນດ໌ເທຣດ ເຊັນເຕີ້ ເຊິ່ງສູງກ່ວາ 541 ແມັດ ແລະ ຫາກໍເປີດໃຫ້ພະນັກງານ

ເຂົ້າໄປເຮັດວຽກເມື່ອອາທິດທີ່ຜ່ານມາ, ໃນລະຫວ່າງທີ່ພະນັກງານທັງສອງຄົນ ກຳລັງເຊັດກະຈົກມາຮອດຊັ້ນທີ

69 ກໍໄດ້ເກີດເຫດສາຍສະລິງທີ່ຍຶດກະເຊົ້າໄຟຟ້າໄວ້ນັ້ນຂາດເບື້ອງໜຶ່ງ ຈົນເຮັດໃຫ້ກະເຊົ້າອຽງລົງມາອີກຂ້າງໜຶ່ງ

ແລະ ບໍ່ສາມາດເຮັດວຽກຕໍ່ໄດ້ອີກ ເຊິ່ງເປັນເຫດທີ່ໜ້າຫວາດສຽວທີ່ສຸດ.

ພະນັກງານທັງສອງຄົນ ຕິດຢູ່ເທິງກະເຊົ້າທີ່ຫ້ອຍຕ່ອງແຕ່ງໃນຄວາມສູງດັ່ງກ່າວນັ້ນ ເປັນໄລຍະເວລາກ່ວາ 2 ຊົ່ວ

ໂມງ ທາງເຈົ້າໜ້າທີ່ກູ້ໄພຈິ່ງສາມາດນຳເອົາພວກກ່ຽວລົງມາໄດ້ ດ້ວຍວິທີການຕັດກະຈົກຈາກພາຍໃນຕຶກອອກ

ມາ ເພື່ອດຶງເອົາຕົວຂອງທັງສອງຄົນເຂົ້າໄປໄດ້ຢ່າງປອດໄພ.