ຕາມຂ່າວຈາກ VOVWORLD, ວັນທີ 29 ກໍລະກົດນີ້, ການສົນທະນາປະຈຳປີ ຄວາມໝັ້ນຄົງດ້ານພະລັງງານ ຫວຽດນາມ – ສ.ອາເມລິກາ ຄັ້ງທີ 4 ໄດ້ຈັດຂຶ້ນ ລະຫວ່າງ ວັນທີ 27 – 28 ກໍລະກົດ ຢູ່ນະຄອນຫລວງ ວໍຊິງຕັນ ດີຊີຂອງ ສ.ອາເມລິກາ.
ໃນການສົນທະນາຄັ້ງນີ້ ທ່ານ ດັ່ງຮ່ວາງອານ, ຮອງລັດຖະມົນຕີ ກະຊວງ ອຸດສາຫະກຳ-ການຄ້າ ຫວຽດນາມ ພ້ອມດ້ວຍຄະນະໄດ້ພົບປະກັນ ທ່ານ ຮາຣີ ກາເມນ (Harry Kamian) ຜູ້ຊ່ວຍ ລັດຖະມົນຕີ ການຕ່າງ ປະເທດ, ຮັບຜິດຊອບ ດ້ານພະລັງງານ ຂອງກະຊວງ ການຕ່າງປະເທດ ອາເມລິກາ ເພື່ອປຶກສາຫາລື ຢ່າງລະອຽດ ກ່ຽວກັບ ບັນດາ ເຕັກໂນໂລຢີ ພະລັງງານສະອາດຄື ໄຮໂດຣເຈນ (hydrogen), ຖ່ານເກັບ ພະລັງງານ, ພະລັງງານ ນິວເຄລຍ, ກໍຄືບັນດາແຜນການ ທີ່ຈຳເປັນ ເພື່ອຊຸກຍູ້ການຫັນເປັນ ພະລັງງານ ເພື່ອແນໃສ່ ບັນລຸໄດ້ເປົ້າໝາຍ ປ່ອຍອາຍພິດ ລົງລະດັບ 0 ໃນປີ 2050. ກຸ່ມບໍລິສັດ AES ຫວັງວ່າ: ການຜັນຂະຫຍາຍໂຄງການໄຟຟ້າ ແຮງລົມ ຢູ່ກາງທະເລ ຈະປະກອບສ່ວນເຂົ້າໃນ ແຜນການຫລຸດຜ່ອນການປ່ອຍ ກາກບອນຂອງ ຫວຽດນາມ ແລະ ບັນລຸເປົ້າໝາຍ ທີ່ໄດ້ໃຫ້ຄຳໝັ້ນ ສັນຍາ ຢູ່ກອງປະຊຸມ COP 26.
ນອກນັ້ນ, ອົງການ ການຄ້າ ແລະ ພັດທະນາ ສ.ອາເມລິກາ ໄດ້ປະກາດຈະໜູນຊ່ວຍ ດ້ານເຕັກນິກໃຫ້ແກ່ ບໍລິສັດໃຫຍ່ສົ່ງໄຟຟ້າ ແຫ່ງຊາດ ຫວຽດນາມ ເພື່ອແນໃສ່ຊຸກຍູ້ການຜັນຂະຫຍາຍເຕັກໂນໂລຢີ ຕາໜ່າງໄຟຟ້າ ອັດສະລິຍະຕາມຂັ້ນຕອນ ເຕັກໂນໂລຢີ ຂໍ້ມູນຂ່າວສານ 2.0 ຂອງກຸ່ມບໍລິສັດ ໄຟຟ້າ ຫວຽດນາມ.