ອີງຕາມການລາຍງານ TNN ONLINE ໃນວັນທີ 21 ກໍລະກົດ 2022, ນາຍົກລັດຖະມົນຕີ ອີຕາລີ ທ່ານ Mario Draghi ( ມາລິໂອ ດາກິ ) ລາອອກຈາກຕຳແໜ່ງ. ຍ້ອນວ່າບໍ່ມີການສະໜັບສະໜູນຈາກບັນດາສະມາຊິກລັດຖະບານປະສົມໃນການລົງຄະແນນສຽງບໍ່ໄວ້ວາງໃຈ.
ທັງນີ້ ນາຍົກລັດຖະມົນຕີ ທ່ານ Mario Draghi ໄດ້ຍື່ນໃບລາອອກກັບ ທ່ານ ປະທານາທິບໍດີ Sergio Mattarella ທີ່ພະລາຊະວັງ Quirinale ໃນຕອນເຊົ້ານີ້ຕາມເວລາທ້ອງຖິ່ນ. ໂດຍທ່ານ Sergio Mattarella ໄດ້ຂໍໃຫ້ລັດຖະບານຂອງນຍົນລັດຖະມົນຕີີ ດາກີ ຮັບໜ້າີ່ເປັນລັດຖະບານຮັກສາການຈົນກວ່າຈະໄດ້ຄະນະລັດຖະບານຊຸດໃໝ່.
ສຳລັບການລາອອກຂອງນາຍົກ ດາກີ ເກີດຂຶ້ນຫຼັງພັນທະມິດພັກລັດທະບານປະສົມສຳຄັນ ປະຕິເສດທີ່ຈະເຂົ້າຮ່ວມການລົງຄະແນນສຽງບໍ່ໄວ້ວາງໃຈ ເຊິ່ງການລາອອກຂອງນາຍົກ ດາກີ ຈະນຳໄປສູ່ການເລືອກຕັ້ງກ່ອນກຳໜົດໃນເດືອນຕຸລາ ແລະ ເຮັດໃຫ້ເກີດຊ່ວງເວລາ ທີ່ບໍ່ແນ່ນອນສຳລັບອີຕາລີ ແລະ ເອີຣົບໃນຊ່ວງເວລາສຳຄັນ, ໂດຍ ທ່ານ ນາຍົກ ດາກີ ມີຈຸດຍືນອັນແຂ່ງແກ່ນຕໍ່ ຣັດເຊຍ ແລະ ເປັນກຳລັງສຳຄັນໃນການອອກມາດຕະການການຄວ້ຳບາດຂັ້ນເດັດຂາດຕໍ່ປະທານາທິບໍດີ ວາລາດິເມຍ ປູຕິນ ແຫ່ງຣັດເຊຍ.