ສປປ ລາວ ໄດ້ຮັບ ພາຫະນະ ແລະ ອຸປະກອນການແພດ ຈາກກະຊວງການຕ່າງປະເທດຈີນ ວັນທີ 18 ກໍລະກົດ 2022 ທ່ານ ປອ. ດຣ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ໄດ້ຕາງໜ້າລັດຖະບານ ສປປ ລາວ ຮັບເຄື່ອງຊວ່ຍເຫຼືອຈາກກະຊວງການຕ່າງປະເທດ ສປ ຈີນ ທີ່ນຳມາມອບ ໂດຍ ທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດຈີນປະຈໍາ ສປປ ລາວ ພາຫະນະ ແລະ ອຸປກອນການແພດ ທີ່ລັດຖະບານລາວໄດ້ຮັບການຊວ່ຍເຫຼືອຄັ້ງນີ້ປະກອບມີ: ລົດທາງການແພດ 3 ຄັນ ໃນນັ້ນ, ລົດກວດໂຄວິດເຄື່ອນທີ່ 2 ຄັນ ແລະ ລົດປິ່ນປົວເຄື່ອນທີ່ 1 ຄັນ.
ພ້ອມມີອຸປະກອນການແພດປ້ອງກັນໂຄວິດ-19 ແລະ ຢາປິ່ນປົວພະຍາດໂຄວິດ-19 ຈໍານວນໜຶ່ງເຄື່ອງທັງໝົດທີ່ ສປ ຈີນ ມອບໃຫ້ ສປປ ລາວ ໃນຄັ້ງນີ້ ແມ່ນຈະຖືກຮັບໃຊ້ຢູ່ໃນວຽກງານປ້ອງກັນພະຍາດໂຄວິດ-19 ຢູ່ສູນກາງ ແລະ ທ້ອງຖິ່ນ.18 ກໍລະກົດ 2022, ທີ່ກະຊວງສາທາລະນະສຸກ
ແຫຼ່ງຂ່າວ: ສູນຂ່າວສານການແພດສຸຂະສຶກສາ