ຄ່າເງິນສະກຸນເອີໂຣ ອ່ອນຄ່າທຽບເທົ່າເງິນໂດລາ ເປັນຄັ້ງທຳອິດໃນຮອບ 20 ປີ ໂດຍມາຈາກຫຼາຍປັດໄຈ ໂດຍສະເພາະວິກິດທາງພະລັງງານ ລາຄາກາສ໌ທຳມະຊາດສູງຂຶ້ນຕໍ່ເນື່ອງ ນັບຕັ້ງແຕ່ເກີດມີຄວາມຂັດແຍ່ງກັນໃນຢູເຄຣນ.
ເມື່ອວັນທີ 12 ກໍລະກົດ 2022 ຊີເອັນເອັນ ລາຍງານວ່າ ຄ່າເງິນສະກຸນເອີໂຣ ອ່ອນຄ່າລົງມາເທົ່າກັບເງິນສະກຸນໂດລາ ເປັນຄັ້ງທຳອິດໃນຮອບ 20 ປີ ໃນເວລາ 10:00 ຂອງວັນທີ 12 ກໍລະກົດ 2022 ຕາມເວລາມາດຕະຖານ ຄ່າເງິນເອີໂຣ ໄດ້ອ່ອນຄ່າລົງມາເທົ່າກັບ 1 ໂດລາ ແລະ ຖືເປັນການອ່ອນຄ່າຂອງເງິນຢູໂຣເຖິງ 12% ນັບຕັ້ງແຕ່ປີ 2022 ໃນຂະນະທີ່ເງິນໂດລາກໍແຂງຄ່າຂື້ນຈາກຄວາມຄາດຫວັງວ່າ ທະນາຄານກາງຂອງສະຫະຣັດ (FED) ຂຶ້ນດອກເບ້ຍ ເພື່ອຮັບມືກັບພາວະເງິນເຟີ້.
ສາເຫດທີ່ພາໃຫ້ເງິນເອີໂຣອ່ອນຄ່າລົງຕໍ່າສຸດ ໃນຮອບ 20 ປີມາຈາກຫຼາຍປັດໄຈ ໂດຍພາວະເງິນເຟີ້ສູງ ລາຄາກາສ໌ທຳມະຊາດທີ່ສູງຂື້ນຕໍ່ເນື່ອງ ການເກີດວິກິດທາງພະລັງງານ ນັບຕັ້ງແຕ່ເກີດສົງຄວາມໃນຢູເຄຣນ ເຊິ່ງປະເທດຍັກໃຫຍ່ໃນເອີຣົບ ໄດ້ໃຊ້ມາດຕະການຂວ່ຳບາດຕອບໂຕ້ຣັດເຊຍ ໂດຍການຫຼຸດການສັ່ງຊື້ສິນຄ້າ ແລະ ກາສ໌ທຳມະຊາດຈາກຣັດເຊຍ.
ໃນຂະນະທີ່ຣັດເຊຍກໍຕອບໂຕ້ໂດຍການຢຸດສົ່ງກາສ໌ທຳມະຊາດ ໃຫ້ແກ່ບັນດາປະເທດໃນເອີຣົບ.