ເກີດອຸບັດເຫດລົດເມໂດຍສານ ຕຳກັບລົດບັນທຸກຖ່ານຫີນ ຢູ່ທາງພາກໃຕ້ປະເທດປາກີສະຖານ ເປັນເຫດເຮັດໃຫ້ມີ
ຜູ້ເສຍຊີວິດຢ່າງໜ້ອຍ 57 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 11 ພະຈິກທີ່ຜ່ານມານີ້ວ່າ ໄດ້ເກີດອຸບັດເຫດລົດເມໂດຍສານ ຕຳກັບລົດບັນ
ທຸກຖ່ານຫີນ ທີ່ເມືອງໄຄປູ ເມືອງເອກຂອງເຂດໄຄປູ ແຂວງຊິນ ທາງພາກໃຕ້ຂອງປະເທດປາກີສະຖານ ເປັນເຫດເຮັດ
ໃຫ້ມີຜູ້ເສຍຊີວິດຢ່າງໜ້ອຍ 57 ຄົນ ເຊິ່ງລວມມີເດັກນ້ອຍ 18 ຄົນ ແລະ ຍັງມີຜູ້ໄດ້ຮັບບາດເຈັບອີກ 21 ຄົນ ໃນມື້ວັນອັງ
ຄານທີ 11 ພະຈິກທີ່ຜ່ານມານີ້.
ເຈົ້າໜ້າທີ່ຕຳຫລວດຜູ້ຮັບຜິດຊອບທາງຫລວງບໍລິເວນດັ່ງກ່າວໄດ້ເປີດເຜີຍວ່າ ກ່ອນໜ້ານີ້ບໍ່ດົນ ຄົນຂັບລົດເມຄັນດັ່ງ
ກ່າວນີ້ ເຄີຍຖືກປັບໄໝຈາກການຂັບລົດໄວເກີນກຳນົດມາແລ້ວ ແລະ ເຂົາຍັງໄດ້ກ່າວອີກວ່າ ລົດເມ ແລະ ລົດບັນທຸກ
ຕ່າງກໍແລ່ນມາດ້ວຍຄວາມໄວປະມານ 80-90 ກິໂລແມັດຕໍ່ຊົ່ວໂມງ ກ່ອນທີ່ລົດທັງ 2 ຄັນຈະຕຳກັນໃນທີ່ສຸດ.
