ເກົາຫຼີໃຕ້ເດືອດຮ້ອນ ຫຼັງຈາກເກົາຫຼີເໜືອປ່ອຍນ້ຳຢູ່ເຂື່ອນອີກແລ້ວ ເຮັດໃຫ້ລະດັບນ້ຳໃນນ້ຳອິມຈິນ ສູງກວ່າແມັດ ຈົນນ້ຳຖ້ວມ ໄດ້ເລັ່ງອົບພະຍົບປະຊາຊົນອອກ.
ໃນວັນທີ 6 ກໍລະກົດ, ອ້າງອີງຈາກ ຊີເອັນເອັນ ລາຍງານວ່າ: ເຈົ້າໜ້າທີ່ກະຊວງທຳມະຊາດຂອງເກົາຫຼີໃຕ້ ໄດ້ເປີດເຜີຍວ່າ ເກົາຫຼີເໜືອອາດຈະປ່ອຍນ້ຳອອກຈາກເຂື່ອນຮັວງກັງ ໃກ້ກັບຊາຍແດນລະຫວ່າງເກົາຫຼີເໜືອ ແລະ ໃຕ້, ຈົນເປັນເຫດໃຫ້ແມ່ນ້ຳອິມຈິນ ເຊິ່ງແບ່ງເກົາຫຼີເໜືອ ແລະ ໃຕ້ ມີລະດັບສູງຂຶ້ນເຖິງ 1 ແມັດໃນຕອນສວຍວັນຈັນ ທີ 4 ກໍລະກົດ ທີ່ຜ່ານມາ.
ຂະນະທີ່ເຈົ້າໜ້າທີ່ເກົາຫຼີໃຕ້ ແຈ້ງເຕືອນໃຫ້ປະຊາຊົນທີ່ຢູ່ອາໄສແຄມນ້ຳອິມຈິນໃຫ້ຟ້າວອົບພະຍົບອອກ ແລະ ແຈ້ງໃຫ້ຜູ້ທີ່ຢູ່ເຂດໃກ້ຄຽງ ຍ້າຍຂຶ້ນໄປບ່ອນສູງເພື່ອຄວາມປອດໄພ.
ກ່ອນໜ້ານີ້ ໃນປີ 2021 ເກົາຫຼີເໜືອ ໄດ້ປ່ອຍນ້ຳອອກຈາກເຂື່ອນຮັວງກັງ ໂດຍບໍ່ແຈ້ງເກົາຫຼີໃຕ້ລ່ວງໜ້າ ຈົນເຮັດໃຫ້ນ້ຳຖ້ວມ ແລະ ມີຄົນເສຍຊີວິດ 6 ຄົນ.