ກອງທັບມຽນມາສົ່ງເຮືອບິນຮົບ MiG-29 ຈຳນວນ 1 ລຳ ບິນມາໃນເຂດນ່ານຟ້າຂອງໄທ ບໍລິເວນຊາຍແດນ ເມືອງພົບພຣະ ແຂວງຕາກ ເພື່ອອ້ອມໄປຍິງລູກສອນໄຟໃສ່ຝ່າຍຕໍ່ຕ້ານໃນຝັ່ງມຽນມາ ປະມານ 4 ຮອບ, ຈົນເຮັດໃຫ້ໂຮງຮຽນຕ້ອງປະກາດຢຸດຮຽນສຸກເສີນ ດ້ານກອງທັບອາກາດໄທ ໄດ້ສົ່ງເຮືອບິນຂັບໄລ່ F-16 ຈຳນວນ 2 ລຳ ເພື່ອບິນກວດກາ.

ຈາກການລາຍງານຂອງສຳນັກຂ່າວ ບີບີຊີ ໄທ ໄດ້ລາຍງານວ່າ: ສະຖານນະການສູ້ຮົບລະຫວ່າງທະຫານແຫ່ງຊາດກະຫລ່ຽງກອງພົນນ້ອຍທີ 6 ກອງກຳລັງເຄເອັນດີໂອ ແລະ ກອງກຳລັງພີດີເອຟ ຂອງລັດຖະບານເອກະພາບແຫ່ງຊາດ (National Unity Government: NUG) ໃນ ລັດກະຫລ່ຽງຂອງມຽນມາ ຍັງມີການສູ້ຮົບກັນຢ່າງໜັກ ບໍລິເວນເມືອງພົບພຣະ ແຂວງຕາກ ເຮັດໃຫ້ກອງທັບມຽນມາ ມີການສົ່ງເຮືອບິນກາຍເຂົ້າມາໃນນ່ານຟ້າໄທປະມານ 15 ນາທີ.

ໃນຂະນະນັ້ນ ເຈົ້າໜ້າທີ່ໄທໄດ້ແຕ່ເບິ່ງ ຈົນເຮືອບິນຮົບດັ່ງກ່າວໄດ້ຫຼຸດອອກຈາກເລດາໄທ, ຕໍ່ມາກອງທັບອາກາດໄທຈຶ່ງໄດ້ມີຄຳສັ່ງໃຫ້ສົ່ງເຮືອບິນຂັບໄລ່ F-16 ຈຳນວນ 2 ລຳ ເພື່ອບິນກວດກາ, ນອກນັ້ນຍັງໄດ້ເຝົ້າລະວັງ ແລະ ຕິດຕາມໃນເຂດຊາຍແດນດັ່ງກ່າວຕະຫຼອດ 24 ຊົ່ວໂມງ.