ວັນທີ 1 ກໍລະກົດ 2022 ທີ່ກະຊວງສາທາລະນະສຸກ, ສະຫະຣາຊະອານາຈັກອັງກິດ ມອບຊຸດປ້ອງກັນພະຍາດພະຍາດໂຄວິດ-19 (PPE) ຈຳນວນ 800,000 ຊຸດ ໃຫ້ແກ່ກະຊວງສາທາລະນະສຸກ.
ຕາງໜ້າມອບ ໂດຍ ທ່ານ ຈອນ ເພຍຊັນ, ເອກອັກຄະລາຊະທູດ ສະຫະຣາຊະອານາຈັກອັງກິດ ປະຈຳ ສປປ ລາວ ແລະ ກ່າວຮັບໂດຍ ທ່ານ ດຣ. ສະໜອງ ທອງຊະນະ, ຮອງລັດຖະມົນຕີ ກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫະລາຊະອານາຈັກອັງກິດ ໄດ້ເປັນຄູ່ຮ່ວມມືໃນວຽກງານການຮັບມືກັບການແຜ່ລະບາດຂອງພະຍາດໂຄວິດ-19 ຂອງ ສປປ ລາວ ຢ່າງສະໝໍ່າສະເໝີ. ຊື່ງໃນໄລຍະຜ່ານມາ ກໍ່ໄດ້ຊ່ວຍເຫຼືອ ວັກຊີນປ້ອງກັນພະຍາດໂຄວິດ-19 ແລະ ງົບປະມານເຂົ້າໃນວຽກງານການຮັບມືກັບພະຍາດໂຄວິດ-19 ຜ່ານທະນາຄານພັດທະນາອາຊີ.