ໃນວັນຈັນນີ້ ທະຫານສີລັງກາໄດ້ມອບເຄື່ອງໝາຍເລກໃຫ້ແກ່ປະຊາຊົນ ເພື່ອຈະເຂົ້າໄປຊື້ນ້ຳມັນເຊື້ອໄຟ ໃນຂະນະທີ່ປະເທດຂາດແຄນນ້ຳມັນເຊື້ອໄຟຢ່າງຮຸນແຮງ ແລະ ຕໍ່ສູ້ກັບວິກິດການເສດຖະກິດທີ່ຮ້າຍແຮງທີ່ສຸດໃນຮອບ 7 ທົດສະວັດ, ແລ້ວໄດ້ສັ່ງປິດໂຮງຮຽນໃນເມືອງ ໂຄລົມໂບ ແລະ ໃຫ້ພະນັກງານເຮັດວຽກຢູ່ເຮືອນ.
ດ້ວຍຄັງສຳຮອງເງິນຕາຕ່າງປະເທດທີ່ຕ່ຳເປັນປະຫວັດການ, ເກາະທີ່ມີ 22 ລ້ານຄົນ ພວມປະສົບກັບຄວາມຫຍຸ້ງຍາກໃນການຈ່າຍຄ່ານຳເຂົ້າອາຫານ, ຢາປົວພະຍາດ ແລະ ນ້ຳມັນເຊື້ອໄຟ ທີ່ສຸດ.
ລັດຖະບານສີລັງກາໄດ້ແຈ້ງໃຫ້ພະນັກງານເຮັດວຽກຢູ່ບ້ານ ຈົນກວ່າຈະມີການແຈ້ງການອີກເທື່ອໜຶ່ງ ພ້ອມນັ້ນໂຮງຮຽນຕ່າງໆໃນນະຄອນຫຼວງໂຄລົມໂບ ແລະ ເຂດອ້ອມຂ້າງໄດ້ປິດລົງໃນເວລາໜຶ່ງອາທິດ.
ການຂົນສົ່ງສາທາລະນະ, ການຜະລິດພະລັງງານ ແລະ ການບໍລິການທາງການແພດ ຈະໄດ້ຮັບບູລິມະສິດໃນການຮັບນໍ້າມັນເຊື້ອໄຟ, ໂດຍມີບາງສ່ວນແບ່ງໃຫ້ກັບທ່າເຮືອ ແລະ ສະຫນາມບິນ.
ໜ່ວຍງານກອງທຶນການເງິນລະຫວ່າງປະເເທດ ຈະໄປຢ້ຽມຢາມສີລັງກາ ເພື່ອເຈລະຈາກ່ຽວກັບແຜນການຊ່ວຍເຫຼືອ 3 ຕື້ໂດລາ. ເຖິງແມ່ນວ່າປະເທດອິນເດຍຈະຫວັງວ່າຈະບັນລຸຂໍ້ຕົກລົງ ລະດັບພະນັກງານກ່ອນການຢ້ຽມຢາມຈະສິ້ນສຸດລົງໃນວັນພະຫັດນີ້, ແຕ່ບໍ່ມີທ່າທີທີ່ຈະປ່ອຍເງິນທຶນໃນທັນທີ.
ແຫຼ່ງຂ່າວຈາກ ເອສບີເອສ