ກູ່ມກໍ່ການຮ້າຍໂບໂກຮາຣາມ ກໍ່ເຫດຈູ່ໂຈມດ້ວຍມືລະເບີດສະຫລະຊີບ ໃສ່ໂຮງຮຽນໄນຈີເຣຍ ນັກຮຽນເສຍຊີວິດ
ເດຍລະດາດ 48 ຄົນ ແລະ ບາດເຈັບກ່ວາ 70 ຄົນ.
ສຳນັກຂ່າວຕ່າງປະເທດລາຍງານ ໃນວັນທີ 11 ພະຈິກນີ້ວ່າ ເກີດເຫດລະເບີດຂ້າຕົວຕາຍໃນເຂດໂຮງຮຽນໂພຕິກຳ
ລັດໂຍເບ ປະເທດໄນຈີເຣຍ ສົ່ງຜົນໃຫ້ນັກຮຽນເສຍຊີວິດລວມ 48 ຄົນ ໂດຍຕຳຫລວດລະບຸວ່າ ເປັນການກະທຳຂອງ
ກຸ່ມກໍ່ການຮ້າຍໂບໂກຮາຣາມ ໂດຍຜູ້ວ່າການລັດໂຍເບ ໄດ້ສັ່ງປິດໂຮງຮຽນທຸກແຫ່ງທົ່ວລັດ ແລະ ໃນຂະນະດຽວກັນ
ໄດ້ວິພາກວິຈານການເຮັດວຽກຂອງລັດຖະບານ ທີ່ບໍ່ສາມາດຈັດການກັບກຸ່ມກໍ່ການຮ້າຍກຸ່ມນີ້ໄດ້ຢ່າງເດັດຂາດ
ພ້ອມທັງສະເໜີໃຫ້ແກ້ໄຂບັນຫາດັ່ງກ່າວ ເພື່ອຮຽກຄືນຄວາມເຊື່ອໝັ້ນຂອງປະຊາຊົນ ທີ່ກຳລັງຫລຸດລົງຢ່າງຕໍ່ເນື່ອງ
ຈາກສາເຫດຂອງຄວາມຮຸນແຮງທີ່ເກີດຂຶ້ນໃນປະເທດ ໂດຍສາເຫດຂອງການໂຈມຕີດັ່ງກ່າວນີ້ ແມ່ນເນື່ອງມາຈາກ
ກຸ່ມດັ່ງກ່າວບໍ່ຕ້ອງການໃຫ້ນັກຮຽນຍິງເຂົ້າຮັບການສຶກສາ ເພາະພວກເຂົາໃຫ້ທັດສະນະວ່າ ການສຶກສາແມ່ນເໝາະ
ສົມສຳລັບເດັກຜູ້ຊາຍເທົ່ານັ້ນ ເຊິ່ງສ່ວນໜຶ່ງຂອງແນວຄິດດັ່ງກ່າວນີ້ ແມ່ນຕ້ອງການສ້າງປະເທດໄນຈີເຣຍ ໃຫ້ກາຍ
ເປັນລັດອິດສະລາມ.
