ອີງຕາມການລາຍງານ​ຂ່າວ​ຈາກ Vovworld, ຕາມຂໍ້ມູນ ຂອງອົງການ ສະຖິຕິ ເອີຣົບ (Eurostat), ລະດັບເງິນເຟີ້ ແຕ່ລະປີ ໃນເດືອນ ພຶດສະພາ 2022 ຂອງອີຢູ ບັນລຸ ລະດັບ ສະຖິຕິໃໝ່ ເມື່ອໄດ້ຂຶ້ນ ເຖິງຕົວເລກ 8,8% ພາກພື້ນ ໃຊ້ສະກຸນເງິນ ລວມເອີໂຣ ກໍ່ຮັບຮູ້ ລະດັບເງິນເຟີ້ ສູງສຸດ ນັບແຕ່ ເມື່ອສະກຸນເງິນ ເອີໂຣ ຢູ່ໃນລະດັບ 8,1%. ຢຶນແຖວໜ້າແມ່ນ Estonia ຢູ່ໃນລະດັບ 20,1%, ຖັດມາ ແມ່ນ Litva ຢູ່ໃນລະດັບ 18,5% ແລະ Latvia ແມ່ນ 16,8%. ປະເທດ ຝຣັ່ງ ແລະ ມານຕາ ແມ່ນສອງປະເທດ ມີອັດຕາ ເງິນເຟີ້ ຕ່ຳທີ່ສຸດ ຢູ່ໃນລະດັບ 5,8%.

ສາຍເຫດຕົ້ນຕໍ ແມ່ນຍ້ອນຂາດ ດຸ່ນແຫລ່ງສະໜອງ ພາຍຫລັງ ໂລກລະບາດ ໂຄວິດ – 19 ແລະ ລາຄາພະລັງງານ ເພີ່ມຂຶ້ນ ສູງ ພາຍຫລັງ ທີ່ ຣັດເຊຍ ປະຕິບັດ ບັ້ນຮົບ ການທະຫານ ພິເສດຢູ່ ອູ​ແກຣນ.

ກ່ອນ​ໜ້າ​ນີ້, ຄະນະກຳມະການ ເອີຣົບ ໄດ້ຫລຸດ ລະດັບ ຄາດຄະເນ ການເຕີບໂຕ ດ້ານເສດ ຖະກິດ ຈາກລະດັບ 4% ລົງເຫລືອພຽງ 2,7% ໃນປີນີ້. ແຕ່ເຖິງຢ່າງໃດ ກໍ່ຕາມ, ຍ້ອນໄພເງິນເຟີ້ ພວມບັນລຸ ລະດັບ ສະຖິຕິ ຍິ່ງເຮັດໃຫ້ ນັກເສດຖະກິດ ຫລາຍຄົນ​ ກ່າວເຕືອນ ວ່າ ເອີຣົບ ອາດຈະຕົກຢູ່ ໃນສະພາບ ຊຸດໂຊມ ຢ່າງແຮງ ໃນທ້າຍປີນີ້.

ແຫຼ່ງຂໍ້ມູນ: ຂປລ