spot_img
Homeຂ່າວຕ່າງປະເທດອົງການອານາໄມໂລກຈະປະກາດພາລະສຸກເສີນຂອງພະຍາດຝີດາດລິງໃນອາທິດໜ້າ

ອົງການອານາໄມໂລກຈະປະກາດພາລະສຸກເສີນຂອງພະຍາດຝີດາດລິງໃນອາທິດໜ້າ

Published on

ອົງການອານາໄມໂລກນັດປະຊຸມ ທີ 23 ມິຖຸນາ 2022 ໃນການພິຈາລະນາວ່າພະຍາດຝີດາດລິງ ເປັນພາລະສຸກເສີນດ້ານສາທາລະນະສຸກລະຫວ່າງປະເທດ ຫຼື ບໍ.

ໃນວັນທີ 14 ມິຖຸນາ 2022 ທີ່ຜ່ານມານີ້ ອົງການອານາໄມໂລກ WHO ເປີດເຜີຍວ່າ: ການລະບາດຂອງພະຍາດຝີດາດລິງນັ້ນ ມີຄວາມຜິດປົກກະຕິ ແລະ ມີຄວາມໜ້າເປັນຫ່ວງ ດ້ວຍເຫດນີ້ຈຶ່ງໄດ້ເອີ້ນປະຊຸມກຳມະການສຸກເສີນພາຍໃຕ້ການຈັດການດ້ານສາທາລະນະສຸກລະຫວ່າງປະເທດໃນອາທິດໜ້ານີ້ ກົງກັບວັນພະຫັດ ທີ 23 ມິຖຸນາ, ເພື່ອປະເມີນວ່າການລະບາດເທື່ອນີ້ ເປັນພາວະສຸກເສີນດ້ານສາທາລະນະສຸກລະຫວ່າງປະເທດ ຫຼື ບໍ.

ໃນປີນີ້ ມີການລາຍງານວ່າມີຜູ້ຕິດເຊື້ອຝີດາດລິງ ໄດ້ລາຍງານເຂົ້າມາ WHO ປະມານ 1,600 ຄົນ ແລະ ມີກໍລະນີທີ່ຍັງສົງໄສວ່າອາດຈະຕິດເຊື້ອດັ່ງກ່າວນັ້ນປະມານ 1,500 ຄົນ ຈາກ 39 ປະເທດ ແບ່ງເປັນ 7 ປະເທດທີ່ພົບເຊື້ອຝີດາດລິງແລ້ວຫຼາຍປີ ແລະ 32 ປະເທດທີ່ຫາກໍພົບເຊື້ອໃນປີນີ້.

ລ່າສຸດມີຍອດຜູ້ເສຍຊີວິດຢ່າງໜ້ອຍ 72 ຄົນ ທັ້ງໝົດນີ້ຢູ່ໃນກຸ່ມທີ່ພົບເຊື້ອ, WHO ກຳລັງຖ້າຄຳຢືນຢັນຈາກກໍລະນີຜູ້ເສຍຊີວິດຄົນໜຶ່ງໃນ ບຣາຊິນ ທີ່ອາດສົງໄສວ່າກ່ຽວຂ້ອງກັບຝີດາດລິງ.

ແຫຼ່ງຂ່າວຈາກ ຣອຍເຕີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...