ອີງຕາມການລາຍງານຂອງສຳນັກງານຂ່າວຮາໂນ່ຍ ໃນວັນທີ 7 ພຶດສະພາ 2022 ໄດ້ລາຍງານວ່າ: ຫວຽດນາມປົດຕຳແໜ່ງ ລັດຖະມົນຕີກະຊວງສາທາລະນະສຸກ ຫຼັງຖືກບັງຄັບອອກຈາກການເປັນສະມາຊິກພັກຄອມມູນນິດເມື່ອວານນີ້ ເນື່ອງຈາກມີການສໍ້ລາດບັງຫຼວງຊຸດກວດໂຄວິດ-19.

ສະພານິຕິບັນຍັດຫວຽດນາມເຫັນດີປົດ ທ້າວ ຫວຽນ ຖັ່ນ ລອງ ອາຍຸ 56 ປີຈາກຕຳແໜ່ງລັດຖະມົນຕີສາທາລະນະສຸກຕາມທີ່ສະມາຊິກລົງຄວາມຄິດເຫັນ ແລະຍັງປົດໃຫ້ພົ້ນຈາກການເປັນສະມາຊິດສະພາ ສຳລັບມື້ວັນຈັນທີ່ຜ່ານມາພັກຄອມມູນນິດໄດ້ຂັບເຂົາອອກພ້ອມກັບທ້າວ ຈູ ງັອກ ອັນ ອາດີດລັດຖະມົນຕີວິທະຍາສາດ ແລະ ເທັກໂນໂລຍີ ຕາມທີ່ລົງຕວາມເຫັນວ່າທັງຄູ່ລະເມີດລະບຽບພັກ-ລັດ ເຮັດໃຫ້ເກີດຜົນເສຍຫາຍຮ້າຍແຮງ ໃນດ້ານງົບປະມານ ແລະ ຊັບສິນ.

ຄະນະກຳມະການກວດສອບກາງຂອງພັກຄອມມູນນິດຖະແຫຼງໃນເດືອນມີນາຄົມທີ່ຜ່ານມາວ່າ: ຄະນະກຳມະການພັກ ແລະ ເຈົ້າໜ້າທີ່ກະຊວງສາທາລະນະສຸກ ແລະ ກະຊວງວິທະຍາສາດລະເລີຍການປະຕິບັດໜ້າທີ່ລະຫວ່າງປີ 2016-2021 ອານຸຍາດໃຫ້ມີການກະທຳຄວາມຜິດໃນການອານຸມັດ ບິລໍຫານການຈັດການ ແລະ ຈຳໜ່າຍຊຸດກວດໂຄວິດ ຫຼັງຈາກຜູ້ບໍລິຫານຫວຽດ ເອ (Vietnam A) ຍອມຮັບໃນເດທືທອນມັງກອນວ່າ ໄດ້ໂກງລາຄາຊຸດກວດໂຄວິດຂຶ້ນຮອດຮ້ອຍລະ 45 ຕິດສິນບົນເຈົ້າໜ້າທີ່ ແລະ ຈ່າຍເງິນໃຫ້ຫຸ້ນສ່ວນຂອງບໍລິສັດຫຼາຍເຖິງ 800,000 ລ້ານດົ່ງ.