ເຮືອບິນແອຣ໌ການາດາ ຢາງລະເບີດ ລໍ້ຫລຸດ ແລະ ໃບພັດຫລຸດບິນທະລຸເຂົ້າຕົວເຮືອບິນ ໂຊກດີບໍ່ໃຜເສຍຊີວິດ.
ສຳນັກຂ່າວຕ່າງປະເທດລາຍງານ ໃນວັນທ່ີ 10 ພະຈິກນີ້ວ່າ ໃນວັນທີ 6 ພະຈິກຜ່ານມາ ໄດ້ເກີດເຫດລະທຶກຂຶ້ນ
ກັບສາຍການບິນແອຣ໌ການາດາ ເມື່ອຢາງລໍ້ຂອງເຮືອບິນເກີດລະເບີດ ຫລັງກຳລັງຂຶ້ນບິນສູ່ທ້ອງຟ້າ ໂດຍບໍ່ພຽງ
ແຕ່ເທົ່ານັ້ນ ໃນລະຫວ່າງທີ່ກຳລັງຈະລົງຈອດສຸກເສີນອີກ ໃບພັດຂອງເຮືອບິນຊ້ຳພັດຫລຸດອອກ ແລະ ແກ່ວງໄປ
ຕຳທະລຸເຂົ້າຕົວເຮືອບິນ ຊອດເຂົ້າເຖິງຫ້ອງໂດຍສານ ເຮັດໃຫ້ມີຜູ້ໄດ້ຮັບບາດເຈັບ 4 ຄົນ.
ເຮືອບິນລຳດັ່ງກ່າວແມ່ນເຮືອບິນ Bombardier Q-400 ຂອງສາຍການບິນແອຣ໌ການາດາ ທີ່ບັນທຸກຜູ້ໂດຍ
ສານແລະ ລູກເຮືອລວມກັນ 75 ຄົນ ກຳລັງຈະບິນຂຶ້ນຈາກສະໜາມບິນສາກົນເອດມອນຕັນ ປະເທດການາດາ
ແລະ ຫລັງເກີດເຫດຢາງລະເບີດ ນັກບິນໄດ້ຂໍນຳເອົາເຮືອບິນລົງຈອດຢູ່ບ່ອນເດີມ ແຕ່ລະຫວ່າງທີ່ກຳລັງກຽມລົງ
ສູ່ຣັນເວນັ້ນ ເຫດການບໍ່ຄາດຄິດກໍເກີດຂຶ້ນ ເມື່ອເຮືອບິນໄດ້ກະແທກເຂົ້າກັບພື້ນຢ່າງແຮງ ຈົນເຮັດໃຫ້ລໍ້ຢາງ
ດ້ານຂວາຂອງເຮືອບິນເສຍຫາຍ ແລະ ໃບພັດດ້ານຂວາ ຫລຸດແກ່ວງເຂົ້າໃສ່ລຳຕົວຂອງເຮືອບິນ ບໍລິເວນຫ້ອງ
ໂດຍສານພໍດີ ໂດຍສາເຫດຂອງເຫດການລະທຶກໃນຄັ້ງນີ້ ຍັງຢູ່ໃນລະຫວ່າງການສືບສວນຂອງເຈົ້າໜ້າທີ່.
