ຈາກການລາຍງານຂອງ ຣອຍເຕີ ໄດ້ລາຍງາວ່າ: ໃນວັນພຸດ ທີ 1 ມິຖຸນາ ທີ່ຜ່ານມານີ້ ທ່ານ ໂຈ ໄບເດັນ ປະທານາທິບໍດີສະຫະລັດອາເມຣິກາ ປະກາດເງິນຊ່ວຍເຫຼືອ 700 ລ້ານໂດລາສະຫະລັດໃຫ້ແກ່ຢູເຄຣນ ເຊິ່ງລວມມີລະບົບລູກສອນໄຟປືນໃຫຍ່ເຄື່ອນທີ່ສູງ, ເຊິ່ງສາມາດຍິງເປົ້າໝາຍໄດ້ໄກເຖິງ 80 ກິໂລແມັດ.
ທ່ານ ໄບເດັນ ໄດ້ກ່າວວ່າ: ສະຫະລັດຈະຮ່ວມມືກັບຢູເຄຣນ, ສືບຕໍ່ການສະໜອງອາວຸດ ແລະ ອຸປະກອນ ເພື່ອປ້ອງກັນຢູເຄຣນ.
ທ່ານ ໄບເດັນ ໄດ້ປະກາດແຜນການທີ່ຈະໃຫ້ລະບົບລູກສອນໄຟ (HIMARS) ແກ່ຢູເຄຣນ ຫຼັງຈາກໄດ້ຮັບການຮັບຮອງຈາກ Kyiv ວ່າຈະບໍ່ໃຊ້ພວກມັນເພື່ອໂຈມຕີເປົ້າໝາຍພາຍໃນດິນແດນຂອງຣັດເຊຍ. ທ່ານ ໄບເດັນ ໄດ້ວາງເງື່ອນໄຂເພື່ອພະຍາຍາມຫຼີກເວັ້ນບໍ່ໃຫ້ສົງຄາມຢູເຄຣນເພີ່ມທະວີຮຸນແຮງຂຶ້ນ.