ໃນວັນທີ 25 ພຶດສະພາ 2022 ນີ້ ຢູ່ທີ່ສູນບັນຊາການທະ ຫານແຂວງ ລະຫວ່າງກອງບັນ ຊາການທະຫານແຂວງສະຫວັນ ນະເຂດກັບກອງບັນຊາການ ປກສ ແຂວງ ໄດ້ຈັດພິທີມອບ-ຮັບຂອງກາງຢາເສບຕິດປະເພດ ຢາບ້າຈຳນວນ 457 ມັດເທົ່ກັບ 914.000 ເມັດ, ໂດຍການເຂົ້າຮ່ວມຂອງ ສະຫາຍ ພັນ ໂທ ຄຳຜົງ ພັນວິໄລ ລາດສະຍົນ ຄະນະພັກ ຫົວໜ້າຫ້ອງເສນາກອງ ບັນຊາການທະຫານ ແຂວງສະຫວັນນະເຂດ, ສະຫາຍ ພັນໂທ ວົງຄຳ ອິນທະບານ ຮອງກອງ ບັນຊາການ ປກສ ແຂວງມີພະແນກທະຫານຊາຍແຂວງ, ພະແນກຢາເສບຕິດ ປກສ ແຂວງ ເຂົ້າຮ່ວມ.
ຢາບ້າຈຳນວນດັ່ງກ່າວ, ແມ່ນເຈົ້າໜ້າທີ່ທະຫານຊາຍແດນ 326 ທະຫານແຂວງສະຫວັນນະເຂດ ຢຶດໄດ້ໃນວັນທີ 24 ພຶດສະພາ 2022 ທີ່ຜ່ານມາ ທີ່ກຳລັງຈະຖືກນໍາໄປ ປະເທດໄທຢູ່ເຂດບ້ານໜອງບົວ ທ່າເມືອງສອງຄອນ ແຂວງສະຫວັນນະເຂດ ເຊິ່ງເຈົ້າ ຂອງຢາເສບຕິດ ແມ່ນໄດ້ຫຼົບໜີ.
ໃນໂອກາດດັ່ງກ່າວນີ້, ກອງບັນຊາການທະຫານແຂວງ ສະຫວັນນະເຂດ ຍັງໄດ້ເຮັດບົດບັນທຶກການມອບ-ຮັບຢາເສບຕິດ ດັ່ງກ່າວໃຫ້ກອງບັນຊາການ ປກສ ແຂວງ ຢ່າງເປັນທາງການ.
ແຫຼ່ງຂ່າວ: ສະຫວັນພັດທະນາ