ຜູ້ປະກາດຂ່າວຍິງຊາວອັບການີສຖານຫຼາຍຄົນເລີ່ມປົກປິດໃບໜ້າຂະນະທີ່ອອກອາກາດ ຫຼັງທາງການມີຄຳສັ່ງໃຫ້ໃສ່ຜ້າຄຸມເມື່ອຢູ່ໃນທີ່ສາທາລະນະ ແລະ ຍົກລະດັບໃຊ້ຄຳສັ່ງດຽວກັນກັບຜູ້ປະກາດຂ່າວຍິງ.
ໃນວັນທີ 22 ພຶດສະພາ 2022 ຜູ້ປະກາດຂ່າວຍິງຊາວອັບການີສຖານຫຼາຍຄົນເລີ່ມປົກປິດໃບໜ້າຂະນະທີ່ອອກອາກາດ ຫຼັງຈາກສະຖານີໂທລະທັດໃນອັບການີສຖານຫຼາຍແຫ່ງກຳໜົດໃຫ້ຜູ້ປະກາດຂ່າວຍິງ ຕ້ອງປະຕິບັດຕາມຄຳສັ່ງຂອງກະຊວງສົ່ງເສີມສິນລະທຳ ແລະ ປົກປ້ອງຄວາມຊົ່ວຮ້າຍ ທີ່ກຳໜັດໃຫ້ຜູ້ປະກາດຂ່າວຍິງ ຕ້ອງໃສ່ຜ້າຄຸມຫົວ ແລະ ປົກປິດໃບໜ້າໃຫ້ເຫັນພຽງແຕ່ດວງຕາໃນລະຫວ່າງການລາຍງານຂ່າວ.
ຂະນະທີ່ ໂຄສົກກະຊວງສົ່ງເສີມສິນລະທຳ ແລະ ປ້ອງກັນຄວາມຊົ່ວ ກ່າວຍ້ອງຍໍສະຖານີໂທລະທັດຫຼາຍແຫ່ງ ທີ່ປະຕິບັດຕາມກົດ ລະບຽບການແຕ່ງກາຍນີ້ ພ້ອມລະບຸວ່າ: ຄຳສັ່ງນີ້ບໍ່ໄດ້ອອກມາຕໍ່ຕ້ານຜູ້ປະກາດຂ່າວຍິງ ແລະ ທາງການຈະບໍ່ມີເຈດຕະນາຖອດ ຫຼື ກີດກັ້ນພວກເຂົາຈາກຊ່ອງສາທາລະນະ ຫຼື ຕັດສິດໃນການເຮັດວຽກ.
ກ່ອນໜ້ານີ້ລັດຖະບານຕາລີບານ ລະບຸວ່າ: ຜູ້ຍິງຄວນອອກຈາກບ້ານເມື່ອຈຳເປັນເທົ່ານັ້ນ ແລະ ມີຄຳສັ່ງ ໃຫ້ຜູ້ຍິງທຸກຄົນຕ້ອງໃສ່ຊຸດ ບູຮກາ ເພື່ອປົກປິດຮ່າງກາຍ ແລະ ໃບໜ້າຂອງຕົວດເອງທຸກຄັ້ງເວລາຢູ່ໃນທີ່ສາທາລະນະ ໂດຍຫາກລະເມີດທາງຍາດພີ່ນ້ອງຈະຖືກລົງໂທດ ເຮັດໃຫ້ຍອດຂາຍ ບລູຮກາ ມີຈຳນວນເພີ່ມຂຶ້ນສູງ.
ຂໍ້ມູນ: ໄທ ພີບີເອັສ