ສາທາລະນະສຸກແຫ່ງ ສປປ ລາວ ກຳລັງດຳເນີນ ຕິດຕາມກວດກາ ນັກທ່ອງທ່ຽວ ກໍລະນີ ເປັນພະຍາດຝີດາດລີງ,ຕາມການລາຍງານຂອງ ອົງການອານະໄມໂລກ WHO ວ່າມີພະຍາດດັ່ງກ່າວກຳລັງແຜ່ລະບາດໄປໃນຫຼາຍໆປະເທດ.
ໃນວັນທີ 25 ພຶດສະພາ 2022, ເຈົ້າໜ້າທີ່ ສາທາລະນະສຸກແຫ່ງ ສປປ ລາວ ກຳລັງຕິດຕາມກວດກາ ນັກທ່ອງທ່ຽວທີ່ອາດນຳມາຂອງພະຍາດຝີດາດລີງ.
ໜັງສືພິມວຽງຈັນທາຍ ລາຍງານວ່າ: ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ກ່າວວ່າ ບຸກຄະລາກອນທາງການແພດຈະກວດຜູ້ເດີນທາງເຂົ້າປະເທດ ແລະ ສອບຖາມປະຫວັດການເດີນທາງ ໂດຍຜູ້ມີປະຫວັດການເດີນທາງໄປພື້ນທີ່ສ່ຽງ ຈະບໍ່ໄດ້ຮັບອານຸຍາດໃຫ້ເຂົ້າປະເທດ.
ພະຍາດຝີດາດລີງ ເປັນໄວຣັສທີ່ພົບເຫັນສ່ວນໃຫຍ່ໃນພາກກາງ ແລະ ພາກຕາເວັນຕົກຂອງອາຟຣິກາ, ພະຍາດັ່ງກ່າວຍັງພົບໃນປະເທດ ອາເມຣິບກາ, ອິດສະລາແອນ, ສິງກະໂປ ແລະ ອັງກິດ.
ພະຍາດດັ່ງກ່າວແມ່ນເລີ່ມແຜ່ຂະຫຍາຍເປັນວົງກວ້າງ ແລະ WHO ຄາດວ່າຈະມີກວດພົບຫຼາຍຂຶ້ນ ແລະ ຕ້ອງໄດ້ເຝົ້າລະວັງບັນດາປະເທດທີ່ມີການລະບາດຂອງພະຍາດຕິດຕໍ່ນີ້.ການປະຕິບັດການຄັ້ງນີ້ຕ້ອງເນັ້ນໃສ່ການແຈ້ງຂໍ້ມູນທີ່ຖືກຕ້ອງຕໍ່ຜູ້ຕິດເຊື້ອ ເພື່ອຢຸດການຂະຫຍາຍຕົວຂອງພະຍາດຕື່ມອີກ.
ໂດຍອົງການອະນາໄມໂລກ WHO ກ່າວວ່າ: ຂໍ້ມູນທີ່ມີຢູ່ຊີ້ໃຫ້ເຫັນວ່າການຕິດຕໍ່ຈາກຄົນໄປຫາຄົນແມ່ນເກີດຂື້ນໃນບັນດາຜູ້ທີ່ໃກ້ຊິດກັບກໍລະນີທີ່ມີອາການ.