ໃນວັນທີ 24 ພຶດສະພາ 2022 ສຳນັກຂ່າວ CNN ລາຍາງານວ່າ: ເກີດເຫດອາຄານສູງ 10 ຊັ້ນ ທີ່ຢູ່ໃນລະຫວ່າງການກໍ່ສ້າງ ຖະຫຼົ່ມໃນປະເທດອີຣານ ສົ່ງຜົນໃຫ້ມີຄົນເສຍຊີວິດຢ່າງນ້ອຍ 5 ຄົນ ແລະ ຍັງຕິດຢູ່ໃນອາຄານຫຼາຍກວ່າ 80 ຄົນ.
ອາຄານດັ່ງກ່າວມມີຊື່ວ່າ ເມໂທໂປ (Metropol) ມີຄວາມສູງ 10 ຊັ້ນເຊິ່ງຢູ່ໃນລະຫວ່າງການກໍ່ສ້າງໃນເມືອງ ອະບາດີນ ທາງຕາເວັນອອກສຽງໃຕ້ຂອງປະເທດ ໄດ້ພັງຖະຫຼົ່ມລົງມາ ເຮັດໃຫ້ມີຄົນເສຍຊີວິດຢ່າງນ້ອຍ 5 ຄົນ ແລະ ຕິດໃນຊາກອາຄານ 80 ຄົນ.
ທາງເຈົ້າໜ້າທີ່ກູ້ໄພ ໄດ້ລະດມກຳລັງພ້ອມອຸປະກອນເລັ່ງໃຫ້ຄວາມຊ່ວຍເຫຼືອ ແລະ ຄົ້ນຫາຜູ້ທີ່ຕິດຢູ່ໃນອາຄານຢ່າງຕໍເນື່ອງ ຂະນະທີ່ສະຖານີໂທລະທັກທ້ອງຖິ່ນລາຍງານວ່າ: ຍັງມີຮ້ານຄ້າ ແລະ ລົດໃຫຍ່ທີ່ຈອດບໍລິເວນໃກ້ຄຽງຖືກຊາກອາຄານລົງມາທັບ ເຮັດໃຫ້ເກີດຄວາມເສຍຫາຍເປັນວົງກວ້າງ.
ຢ່າງໃດກໍຕາມຍັງບໍມີການເປີດເຜີຍສາເຫດຂອງການຖະຫຼົ່ມໃນຄັ້ງນີ້ ຕາມລາຍາງນໄດ້ລະບຸຕື່ມອີກວ່າ ກ່ອນເກີດເຫດ ເປັນຊ່ວງທີ່ມີພາຍຸຊາຍພັດເຂົ້າພໍດີ ຂະນະທີ່ເຈົ້າຂອງອາຄານ ຜູ້ຈັດການໂຄງການຂອງບໍລິສັດກໍ່ສ້າງຖືກເຈົ້າໜ້າທີ່ຕຳຫຼວດນຳໄປສືບສວນເພື່ອຄົ້ນຫາສາເຫດໃນຄັ້ງນີ້.