ໃນວັນທີ 23 ພຶດສະພາ ສຳນັກງານໃຫຍ່ ຜູ້ລີ້ໄພ ແຫ່ງສະຫະ ປະຊາຊາດ UNHCR ເປີດເຜີຍວ່າ: ການປະທະກັນຢູ່ໃນຢູເຄຣນ ແລະ ຄວາມຂັດແຍ່ງອື່ນໆ​ເຮັດ​ໃຫ້​ມີ ຈຳນວນ​ຜູ້​ອົບ​ພະຍົບ​ ຢູ່​ໃນ​ທົ່ວ​ໂລກ​ຫຼາຍ​ກວ່າ 100 ລ້ານ​ຄົນ​ ເປັນ​ຄັ້ງ​ທຳ​ອິດ ກວມເອົາ ຫລາຍກວ່າ 1 ໃນ 10 ຂອງປະຊາກອນໂລກ.

ຕາມການລາຍງານຂອງ UNHCR ມາຮອດປາຍປີ 2021 ຜູ້ຄົນປະມານ 90 ລ້ານຄົນຕ້ອງກາຍເປັນຄົນພັດຖິ່ນ ເນື່ອງຈາກຄວາມຮຸນແຮງໃນ ເອທິໂອເປຍ, ບູກິນາຟາໂຊ, ມຽນມາ, ໄນຈິເລຍ, ອັບການີສຖານ ແລະ ຄອງໂກ. ນອກຈາກນີ້ ຄວາມຂັດແຍ່ງທີ່ເກີດຂຶ້ນໃນຢູເຄຣນ ຕັ້ງແຕ່ທ້າຍ ເດືອນກຸມພາ ປີ 2022 ທີ່ຜ່ານມາເຮັດໃຫ້ ປະຊາຊົນຕ້ອງອົບພະຍົບໃນປະເທດຫຼາຍກວ່າ 8 ລ້ານຄົນ, ໃນຂະນະທີ່ອີກ 6 ລ້ານຄົນຕ້ອງອົບພະຍົບໄປຕ່າງປະເທດ.

ທ່ານ ຟິລິບໂປ ກະຮັນດີ ຫົວໜັາ UNHCR ຍ້ຳວ່າ: ປະຊາຄົມລະຫວ່າງປະເທດໃຫ້ການສະໜັບສະໜູນຜູ້ພັດຖິ່ນຈາກຄວາມຂັດແຍ່ງໃນຢູເຄຣນຢ່າງເຂັ້ມແຂງ ແລະ ຫວັງວ່າສຶ່ງນີ້ຈະນຳໄປໃຊ້ກັບຄວາມຂັດແຍ່ງທົ່ວໂລກ.